Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Ақмола облысында орманда жоғалған ерлі-зайыптылар аман табылды

21 Октября 2021 18:25

КӨКШЕТАУ. ҚазАқпарат - Ақмола облысында орманда жоғалған ерлі-зайыптылар аман-есен табылды, деп хабарлайды ҚазАқпарат тілшісі облыстық полиция департаментінің баспасөз қызметіне сілтеме жасап.

Ведомствоның мәліметінше, жоғалған адамдар бүгін қазанның 21-де күндізгі уақыт 14:00 шамасында Бәйтерек ауылынан 35 шақырым жердегі орман алқабынан табылған.

«Алтынай Балтақожақызы түнде орманда өте суық болғанын айтты. Жұбайы екеуі жол іздеп шаршаған. Жолдасы Қайыржан Баржақсымұлы таяқтың көмегімен қозғалады. Ерлі-зайыптылар өздерін іздеуге қатысқандардың барлығына алғысын жеткізді. Үйлесімді іс-әрекет пен күш-жігердің арқасында ерлі-зайыпты Баялиндердің өмірі мен денсаулығына қауіп жоқ», - деді ведомстводан.




Еске сала кетсек, Ақмола облысында орманда жоғалған ерлі-зайыптыларға іздеу жарияланған болатын.

Оған барлығы 140-тан астам адам, оның ішінде жүзге жуық полиция қызметкері (6 иісшіл итті бар кинологтар және 25 СОБР қызметкерлері), жергілікті атқарушы органдардың өкілдері, қорықшылар, төтенше жағдайлар департаментінің қызметкерлері жұмылдырылды.





Автор Аслан Оспанов
Ключевые слова: Оқиға, Ақмола облысы,
Наверх