Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

جىل سوڭىنا دەيىن 7 مىڭنان استام استانالىق ۇلەسكەردىڭ ماسەلەسى شەشىلەدى

2 Декабря 2021 19:29

نۇر-سۇلتان. قازاقپارات - ەلوردادا جىل سوڭىنا دەيىن قۇرىلىسى بىتپەي، پروبلەماعا اينالعان 57 كوپپاتەرلى تۇرعىن ءۇي پايدالانۋعا بەرىلەدى.

بۇل تۋرالى قالالىق ورتا ساپاسى جانە باقىلاۋ باسقارماسىنىڭ باسشىسى داۋلەت دوسقۇلوۆ ءمالىم ەتتى، دەپ حابارلايدى قازاقپارات ءتىلشىسى.

«ەلوردا قۇرىلىس» كومپانياسىنىڭ باستى ماقساتى - بىتپەي قالعان پروبلەمالى قۇرىلىس نىساندارىن اياعىنا دەيىن جەتكىزۋ جانە الدانعان ۇلەسكەرلەردىڭ ماسەلەسىن شەشۋ. اياقتالماي قالعان نىسانداردىڭ قۇرىلىسىنا قارجى ۇلتتىق قوردان، رەسپۋبليكالىق جانە جەرگىلىكتى بيۋجەتتەن قاراستىرىلىپ وتىر. باستى شارت - جۇمسالعان قارجى قازىناعا قايتارىلۋى ءتيىس. دەمەك كىنالىلەر وتەيدى»، - دەدى داۋلەت دوسقۇلوۆ قالالىق ءماسليحاتتىڭ وتىرىسىندا.

ونىڭ ايتۋىنشا، ۇلەسكەرلەردىڭ ماسەلەسى ەلوردا اكىمدىگىنىڭ ەرەكشە باقىلاۋىندا.

«ستاتيستيكاعا كەلسەك، 2018-جىلى ەلوردادا قۇرىلىسى بىتپەي، پروبلەماعا اينالعان 150 تۇرعىن ءۇي بولدى. 2019-جىلى قالا اكىمدىگى 13 تۇرعىن ءۇي قۇرىلىسىن اياقتاپ، 2,5 مىڭ ۇلەسكەردىڭ ماسەلەسىن شەشتى. وتكەن جىلى 20 پروبلەمالى تۇرعىن ءۇي ءوز شەشىمىن تاۋىپ، ۇلەسكەرلەر قونىس تويىن تويلادى. بيىل جىل باستالعالى قالا اكىمدىگى 98 قۇرىلىسى پروبلەماعا اينالعان نىساندى ءوز باقىلاۋىنا الدى. بۇل دەگەنىمىز 10 مىڭنان استام ۇلەسكەر دەگەن ءسوز. ونىڭ ىشىندە «نۇرلى جەر» تۇرعىن ءۇي باعدارلاماسى اياسىندا 27 كوپپاتەرلى تۇرعىن ءۇيدىڭ قۇرىلىسى اياقتالدى. جىل سوڭىنا دەيىن 57 پروبلەمالى كوپپاتەرلى تۇرعىن ءۇيدىڭ قۇرىلىسىن اياقتاپ، 7400 دەن استام ۇلەسكەردىڭ ماسەلەسى شەشىلمەك»، - دەيدى ول.

Ключевые слова: استانا,
Наверх