Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

دومالاق انا، جاڭگىر حان، مۇقاعالي ماقاتايەۆ جانە باسقا تۇلعالار جايلى 6 تاريحي سەريال ەفيرگە شىعادى

19 Сентября 2021 11:18

الماتى. قازاقپارات - «قازاقستان» تەلەراديوكورپوراتسياسى الماتىدا «قورقىت اتا» تەلەحيكاياسى شىعارماشىلىق توبىنىڭ وتىرىسىن وتكىزدى، دەپ حابارلايدى قازاقپارات كورپوراتسيانىڭ باسپا ءسوز قىزمەتىنە سىلتەمە جاساپ.

ايتا كەتەيىك، جيىنعا ق ر اقپارات جانە قوعامدىق دامۋ ءمينيسترى ايدا بالايەۆا قاتىستى.

«وسى جىلدىڭ باسىندا تۇركياعا رەسمي ساپارمەن بارعاندا ءبىرقاتار ورتاق كەلىسىمدەرگە قول جەتكىزگەن ەدىك. سونىڭ ءبىرى - تۇركى جۇرتىنا ورتاق تاريحي تۇلعالار تۋرالى سەريالدار ءتۇسىرۋ. قورقىت اتا - تۇركى الەمىنىڭ ەڭ ۇلى تۇلعالارىنىڭ ءبىرى، بارلىق تۇركى حالقىنا ورتاق تۇلعا، ورتاق مۇرا. سوندىقتان بۇل تۋىندى تەك ءبىزدىڭ كورەرمەندەرگە عانا ەمەس، باسقا دا ەلدەردە ۇلكەن سۇرانىس اكەلەدى دەپ سەنەمىن. تۇركيا، ءازىربايجان، وزبەكستان ەلدەرىن وسى جوباعا شاقىرىپ، ارىپتەستىك ورناتۋ جونىندە ۇسىنىس جاسادىق. قازىر ءتيىستى كەلىسسوزدەر ءجۇرىپ جاتىر»، - دەدى مينيستر ا. بالايەۆا تەلەحيكايانىڭ شىعاراشىلىق توبىمەن كەزدەسۋدە سويلەگەن سوزىندە.

جوبا پروديۋسەرى - شولپان باتىربايەۆا. باس كەڭەسشىسى - ونەرتانۋشى، ەتنوگراف بەرىك ءجۇسىپوۆ. «قازاقستان» تەلەراديوكورپوراتسياسى بيىل جىل سوڭىنا دەيىن 6 تاريحي تەلەحيكايا ۇسىنادى. ولاردىڭ قاتارىندا دومالاق انا، جاڭگىر حان، احمەت بايتۇرسىن ۇلى، قانىش ساتبايەۆ، جۇمابەك تاشەنيەۆ، مۇقاعالي ماقاتايەۆ سىندى ۇلى تۇلعالارىمىز بار.

تاريحي جوبالاردىڭ شىعارماشىلىق توپ قۇرامىن بەكىتۋ - ەڭ كۇردەلى پروتسەسس. جىلدان- جىلعا تاريحي سەريالدار ءوندىرىسىن ارتتىرۋ ارقىلى نارىقتا وسى سالاعا، ياعني، تاريحي سەريالدار ودىرىسىنە بەيىمدەلگەن مامانداردى كوبەيتتىك، كومپانيالار سانى دا ارتتى.

بۇل - تاريحي تەليەۆيزيالىق جوبالار ساپاسىنىڭ ارتا بەرەتىنىن بىلدىرەدى. وسى ماقساتتا ءتيىستى مينيسترلىكتىڭ قولداۋىمەن بيىل تۇڭعىش رەت وندىرىسكە ءۇش جىلدىق مەرزىم بەرىلىپ وتىر. ءتورت ءبولىمدى «قورقىت اتا» تەلەحيكاياسىنىڭ بيىل تەك ستسەناريى جازىلادى»، - دەدى باسقارما ءتورايىمى ءلاززات تانىسباي.

وتىرىسقا ەتنوگراف تىنىسبەك قوڭىراتبايەۆ، قينوسىنشى دارەجان ومىربايەۆ، جۋرناليست، ادەبيەتتانۋشى ءاليا بوپەجانوۆا، كينوتانۋشى گۇلجان ناۋرىزبەكوۆا، جۋرناليست قاينار ولجاي، ونەرتانۋشى، پروفەسسور ساعاتبەك قاليەۆ، سەناريست بەكزات مىرزاحمەت قاتىستى.


Ключевые слова: قوعام,
Наверх