Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

شىعىس قازاقستاندا جول اپاتىنان 5 ادام كوز جۇمدى

22 Мая 2022 21:27

وسكەمەن. قازاقپارات - شىعىس قازاقستان وبلىسى جارما اۋدانىندا جول اپاتىنان 5 ادام مەرت بولدى، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، جول- كولىك وقيعاسى 22- مامىر كۇنى ساعات 07:40 شاماسىندا رەسپۋبليكالىق ماڭىزى بار «الماتى- وسكەمەن» تاسجولىنىڭ جارما اۋدانى قالباتاۋ اۋىلىنىڭ تۇسىنداعى 959 شاقىرامىندا بولعان.

«NISSAN CEFIRO» ماركالى اۆتوكولىكتىڭ 36 جاستاعى جۇرگىزۋشىسى جىلدامدىقتى رۇقسات ەتىلگەن شەكتەن اسىرىپ، الدىندا كەلە جاتقان «بەلارۋس 82.1» ماركالى تراكتور تىركەمەسىنىڭ ارتىنا سوعىلعان. سونىڭ سالدارىنان جەڭىل كولىكتىڭ 36 جاستاعى جۇرگىزۋشىسى مەن 4 جولاۋشىسى سول جەردە ءتىل تارتپاي كەتتى» دەلىنگەن اقپاراتتا.

ال 1 جولاۋشى ءتۇرلى دەنە جاراقاتتارىمەن اۋرۋحاناعا جاتقىزىلدى. قازىرگى ۋاقىتتا اتالعان فاكتى بويىنشا ق ر قىلمىستىق كودەكسىنىڭ 345-بابى 4-بولىگىنە سايكەس سوتقا دەيىنگى تەرگەۋ امالدارى جۇرگىزىلۋدە. ءبىرقاتار سوت- مەديتسينالىق ساراپتاما تاعايىندالدى.

اۆتور: تالعاتجان مۇحامەتبەك ۇلى

Ключевые слова: ايماق,
Наверх