Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

جۇمىس قابىلەتىنەن ايىرىلعان ادامعا 45 جىلعا دەيىن جاردەماقى تولەنەدى

20 Мая 2022 22:27

وسكەمەن. قازاقپارات - شىعىس قازاقستان وبلىسىندا 5 مىڭنان استام ادام ەڭبەككە قابىلەتىنەن ايىرىلعانى ءۇشىن الەۋمەتتىك تولەماقى الادى، دەپ حابارلايدى قازاقپارات ءتىلشىسى.

ش ق و اقپارات ورتالىعىنىڭ مالىمەتىنە سۇيەنسەك، ازامات ەڭبەككە قابىلەتىنەن ايىرىلعان جاعدايدا الەۋمەتتىك تولەماقى بەرىلەدى.

بۇل تولەماقى مەديتسينالىق- الەۋمەتتىك ساراپتاما ەڭبەك ەتۋ قابىلەتىنەن ايىرىلۋ دارەجەسىن بەلگىلەگەن كۇننەن باستاپ تاعايىندالادى.

«الەۋمەتتىك تولەمنىڭ مولشەرى سوڭعى 24 ايداعى كىرىستىڭ ورتاشا ايلىق مولشەرىنەن ەڭ تومەنگى جالاقى كولەمىنىڭ 55 پايىزىن الىپ، ەڭبەككە قابىلەتتەن ايىرىلۋدىڭ تيىستى كوەففيتسيەنتتەرىنە كوبەيتۋ جولىمەن ايقىندالادى. تولەماقىنى تاعايىنداۋ تۋرالى ءوتىنىش مەديتسينالىق- الەۋمەتتىك ساراپتاما بولىمشەسىنە جالپى ەڭبەك ەتۋ قابىلەتىنەن ايىرىلۋ دارەجەسى بەلگىلەنگەن كەزدە بەرىلەدى. سونىمەن قاتار قۇجاتتاردى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ بولىمشەسىنە قاعاز تۇرىندە بەرۋگە بولادى»، - دەلىنگەن اقپاراتتا.

تولەماقى رەسىمدەۋگە قاتىستى SMS- حابارلاما ۇيالى تەلەفونعا كەلىپ تۇسكەن كەزدە پرواكتيۆتى فورماتتا تاعايىندالۋى مۇمكىن.

ەڭبەككە قابىلەتتەن ايىرىلۋ جاعدايىنداعى الەۋمەتتىك تولەماقى بىرنەشە جىل بويى تولەنەدى.

مىسالى، ول ادام جۇمىسقا قابىلەتىن قالپىنا كەلتىرگەنگە دەيىن نەمەسە زەينەت جاسىنا جەتكەنگە دەيىن بەرىلۋى مۇمكىن (تولەم ۇزاقتىعى 45 جىلعا سوزىلۋى مۇمكىن) . بيىل بۇل تولەماقى مولشەرى %9 عا ارتتى.

ايتا كەتەيىك، شىعىس قازاقستاندا بيىل 5179 ادام ەڭبەككە قابىلەتىنەن ايىرىلعانى ءۇشىن تولەماقى الادى.


Ключевые слова: قوعام,
Наверх