Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

جول اپاتىنان قازا تاپقاندار سانى 45 كە جەتتى

26 Ноября 2021 20:30

سوفيا. قازاقپارات - بولگاريانىڭ ۇلتتىق تەرگەۋ قىزمەتى مەن پروكۋراتۋراسىنىڭ تەرگەۋشىلەرى جۇما كۇنى جانىپ كەتكەن اۆتوبۋستىڭ ءىشىن قوسىمشا تەكسەرۋ كەزىندە 45-ادامنىڭ مۇردەسىن تاپتى.

ولار بولگاريادا ماكەدونيالىق اۆتوبۋستىڭ اپاتقا ۇشىراۋىنا بايلانىستى قىلمىستىق ءىستى تەرگەۋمەن اينالىسىپ جاتىر.

بۇل تۋرالى BTV تەلەارناسى ءمالىم ەتتى، دەپ حابارلايدى قازاقپارات.

بەيسەنبى كۇنى پروكۋراتۋرا وكىلدەرى بريفينگىدە وقيعا ورنىندا 44 ادامنىڭ دەنەسىنىڭ تابىلعانى جانە جەتى ادامنىڭ اۋرۋحاناعا جاتقىزىلعانى تۋرالى مالىمدەگەن بولاتىن. شەكارا قىزمەتىنىڭ دەرەكتەرىنە سايكەس، بولگارياعا كىرەر كەزدە اۆتوبۋستىڭ ىشىندە 52 ادام بولعان. سولتۇستىك ماكەدونيا اۆتوبۋسى سەيسەنبى كۇنى تۇندە «ستۋرما» اۆتوماگيسترالىنىڭ 31-شاقىرىمىندا بولگاريا استاناسىنا جاقىن جەردە اپاتقا ۇشىراعان.

الدىن الا دەرەكتەر بويىنشا، تۇركيادان سكوپەگە باعىت العان تۋريستىك اۆتوبۋس ىلعال جولدىڭ ۇستىندە ءبىرىنشى جول قورشاۋىنا سوعىپ، ودان كەيىن ورتەنگەن. اپاتتىڭ ءمان-جايى زەرتتەلىپ جاتىر، ازىرگە نەگىزگى نۇسقا - جۇرگىزۋشىنىڭ قاتەلىگى.

Ключевые слова: الةم,
Наверх