Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

4 پايىزدىق اۆتونەسيە: 20 پايىزدىق العاشقى جارنا جويىلادى

24 Января 2022 22:07

نۇر-سۇلتان. قازاقپارات - ق ر يندۋستريا جانە ينفراقۇرىلىمدىق دامۋ مينيسترلىگى 4 پايىزدىق اۆتونەسيە باعدارلاماسىن قايتا جانداندىرۋدى ۇسىنىپ وتىر.

بۇل تۋرالى ۆيتسە-مينيستر مارات قارابايەۆ «حابار» تەلەارناسىنداعى «بولشايا نەدەليا» باعدارلاماسىندا ءمالىم ەتتى، دەپ حابارلايدى قازاقپارات ءتىلشىسى.

«مەملەكەت باسشىسىنىڭ الدىمىزعا قويعان ەڭ باستى ماسەلەسى اۆتوموبيلدىڭ قولجەتىمدىلىگىن قامتاماسىز ەتۋ بولدى. 2015-2018-جىلدار ارالىعىندا وسى ماقساتقا 82 ميلليارد تەڭگە بولىنگەن بولاتىن. ريەۆولەرلىك قايتارىمىن ەسكەرسەك، 142 ميلليارد تەڭگەگە دەيىن وسكەن. وسىنداي 4 پايىزدىق ۇتىمدى باعدارلاما ارقىلى قازاقستاندىقتار 30 مىڭداي كولىك ساتىپ العان. قازىر ول باعدارلاما بويىنشا اقشا ءبولىنىپ جاتقان جوق. ءبىراق ريەۆولەرلىك قايتارىمى ءالى اينالىمدا ءجۇر. ونىڭ مولشەرى سۇرانىستى قاناعاتتاندىرۋعا جەتپەيدى. ءبىز ونى مويىندايمىز»، - دەدى مارات قارابايەۆ.

وسىنى ەسكەرگەن ۆەدومستۆو مىناداي شارا ۇسىنىپ وتىر.

«ماسەلەنى شەشۋدىڭ ءبىر جولى رەتىندە و ك م شوتتارىندا جيناقتالعان قاراجاتتىڭ بەلگىلى ءبىر بولىگىن حالىققا 4 پايىزدىق اۆتونەسيە رەتىندە بەرۋدى ۇسىنامىز. ياعني، و ك م شوتتارىنداعى قاراجات حالىققا اۆتونەسيە رەتىندە باعىتتالادى. تاعى ءبىر ۇتىمدى تەتىك دەپ ويلايمىن، بۇرىن 4 پايىزدىق باعدارلاماعا قاتىسۋ ءۇشىن 20 پايىز ءوز قاراجاتىڭدى سالۋ كەرەك بولسا، ەندى العاشقى جارنانى الىپ تاستاۋ ماسەلەسىن قاراستىرىپ جاتىرمىز. سوندا قازاقستاننىڭ قاراپايىم ازاماتى اۆتوسالونعا كەلىپ كولىك تاڭدايدى دا، ءبىر دە ءبىر تەڭگە تولەمەستەن، 4 پايىزعا اۆتونەيسە الادى»، - دەدى ۆيتسە-مينيستر.

بۇعان دەيىن 4 پايىزدىق نەسيە كەز كەلگەن كلاستاعى اۆتوموبيلگە بەرىلەتىن. ونىڭ ىشىندە قىمبات كولىكتەر دە وسى نەسيەمەن ساتىپ الىناتىن.

«ەندى ءبىز بۇل نەسيەنى ناقتى ورتا كلاستاعى كولىكتەرگە باعىتتاماقشىمىز. ياعني، بيۋجەتتىك اۆتوموبيلدەر ساناتىن جاساپ، ناقتى ءبىر سومادان اسپاۋىن قاداعالايمىز. ول سومانى ءالى تالقىلايمىز. وسى تەتىك بويىنشا حالىقتىڭ كولىك الۋىنا عانا جول اشپاي، قالالاردىڭ اۆتوبۋس پاركىن دە جاڭارتۋدى ويلاستىرىپ جاتىرمىز»، - دەدى ءمينيستردىڭ ورىنباسارى.

Ключевые слова: بيلئك جانة ساياسات,
Наверх