Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

الەم ەلدەرىندە قازاق ءتىلىن ۇيرەتەتىن 30 دان استام سىنىپ بار

28 Октября 2021 07:07

نۇر- سۇلتان. قازاقپارات - الەمنىڭ 12 ەلىندە قازاق ءتىلىن ۇيرەنۋگە نيەتتىلەر ءۇشىن 31 سىنىپ جۇمىس ىستەپ تۇر. بۇل تۋرالى «وتانداستار قورى» ك ە ا ق ۆيتسە- پرەزيدەنتى ماعاۋيا سارباسوۆ ءمالىم ەتتى، دەپ حابارلايدى قازاقپارات ءتىلشىسى.

«پاندەميا كەزىندە ءبىرقاتار ءىس- شارانى كەيىنگە قالدىرۋعا تۋرا كەلدى. دەگەنمەن قول قۋسىرىپ وتىرماي كەيبىرىن ونلاين وتكىزدىك. مىسالى، وتكەن جىلى شەتەلدەگى قانداستاردىڭ قاتىسۋىمەن 20 عا جۋىق شارا ءوتتى. وعان 6 مىڭنان استام قانداس قاتىستى. ال بيىل 10 ايدىڭ ىشىندە تاعى 20 عا جۋىق ءتۇرلى فورماتتاعى ءىس- شارا ۇيىمداستىرىلدى. سونداي- اق، انا ءتىلىن ۇيرەنگىسى كەلەتىن سىرتتاعى قانداستار ءۇشىن ونلاين جانە وفلاين فورماتتا كۋرس ۇيىمداستىرىلىپ جاتىر. قازىرگى ۋاقىتتا الەمنىڭ 12 ەلىندە 31 قازاق ءتىلىن ۇيرەنۋ سىنىبى جۇمىس ىستەپ تۇر»، - دەدى ماعاۋيا سارباسوۆ شەتەلدەگى قازاقتىلدى ب ا ق اسسوتسياتسياسىنىڭ قۇرىلۋىنا ارنالعان شارادا.

ونىڭ ايتۋىنشا، شەتەلدەگى قازاق ءتىلىن ۇيرەنۋ سىنىپتارى قاجەتتى وقۋلىق جانە قۇرال- جابدىقتارمەن قامتىلعان.

«ودان بولەك، شەتەلدەگى كىشكەنتاي قانداستارىمىزدى دا نازاردان تىس قالدىرمادىق. اتاپ ايتقاندا، بالالارعا ارنالعان «تۋعان جەرگە ساياحات»، «ۇلى دالا ۇرپاعى» باعدارلامالارى ىسكە قوسىلدى. بىزدەگى قولعا الىنعان تاعى ءبىر جوبا «كيەلى قازاقستان» دەپ اتالادى. جوبانى ماقساتى - شەتەلدەگى جاس قانداستارعا وتانىن كورسەتۋ، سىرتتاعى جاس باۋىرلارىمىزدىڭ باسىن قوسۋ. وتكەن اپتادا عانا شەتەلدەن ءبىر جاس قانداس قازاقستانعا كەلدى. ونىڭ اياسىندا كەزدەسۋ، شىعارماشىلىق جارىس تاعى سول سەكىلدى شارالار ءوتتى. شەتەلدە تۋىلىپ قازاقستاندا بولىپ كورمەگەن قانشاما جاس قانداسىمىز بار، ولار اتاجۇرتتى كورگىسى كەلەدى»، - دەيدى ول.

شەتەلدەگى جاس قانداستاردىڭ باسىن قوسۋ شاراسى بيىل الماتىدا وتكەن، كەلەسى جىلى ش ق و- دا وتكىزۋ جوسپارلانىپ وتىر.

ايتا كەتسەك، قازاقستاندا شەتەلدەگى ءقازاقتىلدى بۇقارالىق اقپارات قۇرالدارىنىڭ باسىن بىرىكتىرگەن اسسوتسياتسيا قۇرىلدى. بۇعان دەيىن قوردىڭ ۆيتسە- پرەزيدەنتى ماعاۋيا سارباسوۆ شەتەلدەگى 1 ميلليونعا جۋىق قانداسىمىز ەلگە ورالۋعا نيەتتى ەكەنىن جەتكىزدى. ودان بولەك، بۇگىندە شەت مەملەكەتتەردە تۇراتىن قانداستاردى ەلگە قايتارۋدىڭ تۇجىرىمداماسى ازىرلەنىپ جاتىر.

Ключевые слова: قوعام,
Наверх