Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

كوروناۆيرۋس جۇقتىرعان ءبىر ناۋقاستى ەمدەۋگە 1 ميلليون تەڭگە جۇمسالادى

30 Июля 2021 18:45

قوستاناي. قازاقپارات - قوستياناي وبلىسىندا كوروناۆيرۋستى جۇقتىرۋشىلار سانىنىڭ ارتۋىنا بايلانىستى دارىگەرلەر مەن ەپيدەميولوگتار ايماق حالقىنا ۇندەۋ جاسادى، دەپ حابارلايدى قازاقپارات ءتىلشىسى.

ك ۆ ي جۇقتىرۋ كورسەتكىشىنىڭ ارتۋى جالعاسىپ وتىر. كەشە 231 جاعداي تىركەلدى. كۇن سايىن ءوسۋ ءۇردىسى بايقالادى. وسى تاۋلىكتە ءوسىم -%1,1. نەگىزىنەن ادامداردىڭ وزدەرى كۆي- ءدىڭ العاشقى بەلگىلەرى پايدا بولعان كەزدە مەديتسينالىق مەكەمەلەرگە جۇگىنەدى. كەشە اۋرۋ جۇتىرعانداندىڭ %83 - دارىگەرگە ءوزى كەلىپ جۇگىنگەندەر»، - دەپ اتاپ ءوتتى قوستاناي وبلىسى سانيتارلىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى يۋري سيەۆوستيانوۆ.

سونداي- اق، يۋ. سيەۆوستيانوۆتىڭ ايتۋىنشا، ەپيدەمياعا قارسى شارالاردى جۇرگىزۋ بارىسىندا ناۋقاستارمەن بايلانىستا بولعان 288 ادام انىقتالدى. جالپى اۋرۋدى تىركەۋ باستالعاننان بەرى 20 مىڭنان استام ناۋقاس تىركەلدى.

«قازىرگى قالىپتاسىپ وتىرعان جاعدايعا ادامدار تۇسىنىستىكپەن قاراۋى ءۇشىن حالىققا جۇگىنگىم كەلەدى. اۋرۋدىڭ ءوسىمى بايقالادى. سوندىقتان بەلگىلى ءبىر شارالار وتكىزىلەدى جانە حالىق ەپيدەمياعا قارسى شارالارعا تۇسىنىستىكپەن قاراۋى ءتيىس»، - دەپ اتاپ ءوتتى ول.

وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى انجەلا بەكسۇلتانوۆانىڭ ايتۋىنشا، جاقىندا قالالىق اۋرۋحانادا اشىلعان ينفەكتسيالىق ستاتسيونار تولىپ كەتكەن.

«قالالىق اۋرۋحانادا 280 ورىن بار، وندا قازىردىڭ وزىندە 200 گە جۋىق ادام ەمدەلۋدە. قۇرمەتتى وبلىس تۇرعىندارى! مەملەكەتكە ءبىر ناۋقاستى ەمدەپ شىعۋ 1 ميلليون تەڭگەگە تۇسەدى. حالىق جاعدايدىڭ شىنىمەن اۋىر ەكەنىن ويلانسا دەيمىن. سوندىقتان حالىقتان كوروناۆيرۋس ينفەكسياسىنا قارسى پروفيلاكتيكالىق ۆاكسيناتسياعا بەلسەندى تۇردە قاتىسۋدى سۇرايمىن»، - دەدى ول.

بۇعان دەيىن قوستاناي وبلىسىندا 239 مىڭنان استام ادام ۆاكتسينا العانى حابارلانعان بولاتىن. بۇل - ايماق حالقىنىڭ %47.

Ключевые слова: قوعام,
Наверх