Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

قازاقستاندىق 14 جوعارى وقۋ ورنى حالىقارالىق اكادەميا رەيتينگىنە ەندى

9 Июня 2021 18:56

نۇر-سۇلتان. قازاقپارات - قازاقستاندىق 14 جوعارى وقۋ ورنى Quacquarelli Symonds World University Rankings حالىقارالىق اكادەميالىق رەيتينگىنە ەندى، دەپ حابارلايدى قازاقپارات ق ر ءبىلىم جانە عىلىم مينيسترلىگىنىڭ باسپا ءسوز قىزمەتىنە سىلتەمە جاساپ.

QS WUR - الەمدەگى ەڭ بەدەلدى رەيتينگتەردىڭ ءبىرى. سونداي-اق بيىل كەيبىر ۋنيۆەرسيتەتتەر رەيتينگتە بىرنەشە ورىنعا كوتەرىلىپ، ءوز پوزيتسيالارىن نىعايتا ءتۇستى. ءال-فارابي اتىنداعى قازاق ۇلتتىق ۋنيۆەرسيتەتى تاعى دا 175-ورىنعا تۇراقتاپ، الەمنىڭ 200 ۇزدىك ۋنيۆەرسيتەتىنىڭ قاتارىنا ەندى.

ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى 90 پوزيتسياعا كوتەرىلىپ 328-ورىندى، ال مۇحتار اۋەزوۆ اتىنداعى وڭتۇستىك قازاقستان ۋنيۆەرسيتەتى 482-ورىندى يەلەنىپ، ۇزدىك 500 وقۋ ورنىنىڭ قاتارىنان كورىندى.

سونىمەن قاتار رەيتينگكە Satbayev University، قازاق ۇلتتىق اگرارلىق زەرتتەۋ ۋنيۆەرسيتەتى، اباي اتىنداعى قازاق ۇلتتىق پەداگوگيكالىق ۋنيۆەرسيتەتى، س. ج. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى كىردى.

«رەيتينگ تاريحىنا كوز جۇگىرتسەك، بيىل ونىڭ قۇرامىنا قازاقستاندىق جوعارى وقۋ ورىندارىنىڭ رەكوردتىق سانى كىردى. رەيتينگكە ەنگىزىلگەن 14 جوعارى وقۋ ورنىنىڭ جەتەۋى سوڭعى جىلى ءوز پوزيتسيالارىن جاقسارتا ءتۇستى. بۇل قازاقستاندىق جوعارى ءبىلىمنىڭ حالىقارالىق دەڭگەيدەگى تانىمالدىلىعىنىڭ ارتا تۇسكەندىگىن كورسەتەدى»، - دەپ اتاپ ءوتتى ق ر ءبىلىم جانە عىلىم مينيسترلىگى جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ.

جوعارى وقۋ ورىندارىنىڭ پوزيتسيالارىن ەسەپتەۋ كەزىندە رەيتينگتە اكادەميالىق توپتار مەن جۇمىس بەرۋشى ۇيىم وكىلدەرىنەن جينالعان ساۋالنامالاردىڭ ناتيجەلەرى، سونداي-اق 2015-جىلدان باستاپ 2019-جىلعا دەيىنگى كەزەڭدەگى 14,7 ميلليون جاريالانىم ەسكەرىلگەنىن اتاپ وتكەن ءجون.

الەمدىك رەيتينگتەردە ىلگەرىلەۋ - قازاقستاندىق ءبىلىم بەرۋ ساپاسىنىڭ ودان ءارى جاقسارا ءتۇسۋىنىڭ جانە ۋنيۆەرسيتەتتەردىڭ جوعارى مارتەبەسىنىڭ ايقىن دالەلى بولىپ تابىلادى.


Ключевые слова: ءبىلىم جانە عىلىم, بيلئك جانة ساياسات,
Наверх