Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

ماڭعىستاۋدا 10 مەكتەپتىڭ ديرەكتورى بيزنەسپەن اينالىسقانى ءۇشىن ايىپپۇل تولەدى

20 Мая 2022 18:46

اقتاۋ. قازاقپارات - ماڭعىستاۋدا ءبىلىم مەكەمەلەرىنىڭ باسشىلارىنا سىبايلاس جەمقورلىققا قارسى شەكتەۋلەر ءتۇسىندىرىلدى، دەپ حابارلايدى قازاقپارات.

ماڭعىستاۋ وبلىسىندا 10 ءبىلىم ۇيىمىنىڭ باسشىسى كاسىپكەرلىك قىزمەتپەن اينالىسىپ، زاڭ بۇزۋشىلىقتارعا جول بەردى. اكىمشىلىك قۇقىق بۇزۋشىلىق كودەكسىنىڭ 154-بابى بويىنشا ءىس قوزعالىپ، كىنالىلەر ايىپپۇل تولەدى. وڭىردە وسى سارىنداعى قۇقىق بۇزۋشىلىقتاردىڭ الدىن الۋ ماقساتىندا سىبايلاس جەمقورلىققا قارسى قىزمەتتىڭ ماڭعىستاۋ وبلىسى بويىنشا دەپارتامەنتى ءبىلىم مەكەمەلەرىنىڭ باسشىلارىنا سىبايلاس جەمقورلىققا قارسى شەكتەۋلەردى ءتۇسىندىردى.

- سىبايلاس جەمقورلىققا قارسى ءىس- قيمىل تۋرالى» زاڭدا مەملەكەتتىك لاۋازىمدى اتقاراتىن جانە مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدارعا كاسىپكەرلىك قىزمەتپەن اينالىسۋعا تىيىم سالىنعان. بۇگىنگى كۇنى مەكتەپ ديرەكتورلارىنىڭ اراسىندا كاسىپكەرلىكپەن اينالىسقان تۇلعالار انىقتالىپ وتىر. سوندىقتان، بۇگىنگى كەزدەسۋدىڭ ماقساتى - سىبايلاس جەمقورلىققا قارسى شەكتەۋلەردى قايتا ءتۇسىندىرۋ، - دەدى ماڭعىستاۋ وبلىسى بويىنشا سىبايلاس جەمقورلىققا قارسى قىزمەت دەپارتامەنتى پريەۆەنتسيا باسقارماسىنىڭ باسشىسى قايرات بايگەبايەۆ.

بۇدان بولەك، سپيكەر مەملەكەتتىك ورگانداردىڭ باسشىلارى وزدەرىنە باعىنىستى مەكەمە باسشىلارىن تاعايىنداۋ كەزىندە ولاردان اكتيۆتەرى مەن مىندەتتەرى تۋرالى دەكلاراتسيا قابىلداۋى شارت ەكەنىن ايتىپ ءوتتى. ولاي بولماعان جاعدايدا، مەملەكەتتىك مەكەمە باسشىلارى «سىبايلاس جەمقورلىققا قارسى ءىس- قيمىل تۋرالى» زاڭنىڭ 11-بابىن بۇزعان بولىپ ەسەپتەلەدى.

Ключевые слова: بيلئك جانة ساياسات,
Наверх