Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

انتيرەكورد: ءبىر تاۋلىكتە 1075 ادام كوروناۆيرۋستان كوز جۇمدى

24 Октября 2021 13:30

ماسكەۋ. تاسس- قازاقپارات - رەسەيدە بەسىنشى كۇن قاتارىنان كوروناۆيرۋستان قايتىس بولعاندار سانى بويىنشا رەكورد جاڭارىپ وتىر - وتكەن تاۋلىكتە ۆيرۋستان 1075 ادام كوز جۇمدى.

ءبىر كۇن بۇرىن بۇل كورسەتكىش 1064 بولعان.

اتالعان دەرەكتەردى جاڭا ۆيرۋسپەن كۇرەس جونىندەگى فەدەرالدى جەدەل شتاب جاريالادى، دەپ حابارلايدى قازاقپارات تاسس اگەنتتىگىنە سىلتەمە جاساپ.

شتاب دەرەكتەرىنە ساي، پاندەميانىڭ باسىنان بەرى ۆيرۋستان بارلىعى 229528 ادام كوز جۇمعان.

شارتتى ءولىم ۇلەسى (ناقتى ۇلەسى ەپيدەميا اياقتالعاننان كەيىن بەلگىلى بولادى) - %2,8.

اتاپ ايتقاندا، ءبىر تاۋلىكتە ماسكەۋدە 82، سانكت- پەتەربۋرگتە 67، كراسنودار ولكەسى مەن نيجەگورود وبلىسىندا 42 دەن، باشقۇرتستاندا 35، روستوۆ، سۆەردلوۆ وبلىستارى مەن ستاۆروپول ولكەسىندە 34 ادامنان قايتىس بولدى.

جاڭا جاعدايلار سانى ءبىر تاۋلىكتىڭ ىشىندە 37678 گە ءوسىپ، 8205923 كە جەتتى. بۇل دا پاندەميانىڭ باسىنان بەرگى ەڭ جوعارى كورسەتكىش.

وسىلايشا، ەلدەگى جۇقتىرعاندار سانى بويىنشا رەكورد قاتارىنان ءۇش رەت جاڭارىپ وتىر.

جۇقتىرعاندار ۇلەسى %0,46 عا ارتتى. اتاپ ايتقاندا، ءبىر تاۋلىكتىڭ ىشىندە ماسكەۋ وبلىسىندا 2783، سامارا وبلىسىندا 997، نيجەگورود وبلىسىندا 761، ۆورونەج وبلىسىندا 729، باشقۇرتستان رەسپۋبليكاسىندا 667 جاعداي تىركەلدى.

شتاب دەرەكتەرىنە ساي، بەلسەندى جاعدايلار سانى 833318 گە وسكەن. ال جازىلىپ شىققاندار سانى ءبىر تاۋلىكتىڭ ىشىندە 26077 گە ءوسىپ، 7143137 گە جەتتى. جازىلىپ شىققان ناۋقاستار ۇلەسى %87 عا دەيىن تومەندەگەن.

اتاپ ايتقاندا، ماسكەۋدە اۋرۋدى جەڭگەندەر سانى 3986، سانكت-پەتەربۋرگتە 2887، ماسكەۋ وبلىسىندا 2333، قىرىمدا 823، سامارا وبلىسىندا 752، باشقۇرتستان مەن ۋليانوۆ وبلىسىندا 649 پەن 630 عا كوبەيگەن.

ماسكەۋدىڭ وزىنە كەلەر بولساق، وندا كوروناۆيرۋس جۇقتىرعاندار سانى ءبىر تاۋلىكتىڭ ىشىندە 7803 كە ءوسىپ، 1761650 گە جەتكەن. ءبىر كۇن بۇرىن بۇل كورسەتكىش 8166 بولعان.

جۇقتىرعاندار ۇلەسى - %0,45. ال قايتىس بولعاندار سانى ءبىر تاۋلىكتە 82 گە ءوستى، كۇن بۇرىن بۇل كورسەتكىش 79 بولعان. بارلىعى قالادا 30619 ادام (جۇقتىرعانداردىڭ %1,74 ى) قايتىس بولعان، دەلىنگەن شتاب دەرەكتەرىندە.

جازىلىپ شىققاندار سانى ماسكەۋدە ءبىر تاۋلىكتە 3986 عا ءوسىپ، 1556721 گە جەتكەن. شتابتىڭ حابارلاۋىنشا، قازىرگى كەزدە ەل استاناسىندا 174310 ادام ەم الىپ جاتىر.

Ключевые слова: الةم,
Наверх