Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

جولدامامەن جۇمىسقا بارماعان 100 گە جۋىق دارىگەر گرانت شىعىنىن وتەدى

25 Октября 2021 19:43

نۇر-سۇلتان. قازاقپارات - 91 جاس دارىگەر جولدامامەن جۇمىسقا بارماعانى ءۇشىن گرانت شىعىنىن وتەدى.

بۇل تۋرالى ءماجىلىس دەپۋتاتتارىنىڭ ساۋالىنا ق ر پرەمەر-ءمينيسترىنىڭ ورىنباسارى ەرالى توعجانوۆتىڭ جاۋابىنا ايتىلعان، دەپ حابارلايدى قازاقپارات ءتىلشىسى.

«مەديتسينالىق كادرلاردى اۋىلدىق ەلدى مەكەندەرگە تارتۋ جۇمىستارى ءۇش باعىتتا جۇرگىزىلەدى: ءوڭىر قاجەتتىلىگىنە سايكەس تۇلەكتەردى جۇمىسقا ورنالاستىرۋ، الەۋمەتتىك پاكەت ۇسىنۋ، مەملەكەتتىك ءبىلىم بەرۋ تاپسىرىسىن ءبولۋ. 2019-جىلدان باستاپ تۇلەكتەردى وڭىرلىك قاجەتتىلىكتەرگە سايكەس جولداۋدى دەنساۋلىق ساقتاۋ مينيسترلىگىنىڭ تۇلەكتەردى/جاس مامانداردى ءبولۋ جونىندەگى كوميسسياسى جۇرگىزەدى»، - دەپ اتاپ وتەدى ۆيتسە-پرەمەر جاۋابىندا.

ونىڭ اتاپ وتۋىنشە، سوڭعى 3 جىلدا كوميسسيا جۇمىسقا جىبەرگەن تۇلەكتەردىڭ اراسىندا دالەلسىز سەبەپتەرمەن جولداما بەرىلگەن ەلدى مەكەنگە جۇمىسقا بارماۋ فاكتىلەرى ورتا ەسەپپەن شامامەن 8 پايىزدى قۇرايدى. ناقتىراق ايتقاندا، 2019-جىلى - 2561 ماماننىڭ 228 ءى، 2020-جىلى - 2326 ماماننىڭ 155 ءى، بيىل 3160 ماماننىڭ 255 ءى جولدامامەن جۇمىس ورنىنا بارماعان.

«مۇنداي تۇلەكتەرگە قاتىستى وقىتۋ شىعىندارىن قايتارۋ ءىس-شارالارى قولدانىلادى. قارجى ورتالىعىنىڭ اقپاراتى بويىنشا، ءبىلىم بەرۋ گرانتى بويىنشا مەديتسينالىق ماماندىقتاردا وقۋدى بىتىرگەن جانە جۇمىس ورىندارىنا شىقپاعان 91 جاس مامان وقىتۋ شىعىندارىن (رەسپۋبليكالىق بيۋجەتكە 200 ميلليون تەڭگە) وتەگەن. مىندەتتەمەنى ورىنداماعان باسقا تۇلەكتەرگە قاتىستى جۇمىستار جالعاسۋدا. بيىلدان باستاپ ءبىلىم بەرۋ گرانتى بويىنشا وقۋعا تۇسكەن تۇلەكتەردى جۇمىسقا ورنالاستىرۋ شارتتارى جەڭىلدەتىلدى. ەندى تۇلەكتەر مەملەكەتتىك مەكەمەلەردە عانا ەمەس، جەكە ۇيىمداردا دا جۇمىس ىستەي الادى»، - دەدى ەرالى توعجانوۆ.

Ключевые слова: قوعام,
Наверх