Aýa raıy
Astana -9 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Zorlyq-zombylyq máselesin sheshýde ÚEU áleýetin paıdalaný kerek – sarapshy

2020 jyldyń 25 qarasha 2020 21:28

NUR-SULTAN. QazAqparat – Zorlyq-zombylyq máselesin sheshýde úkimettik emes uıymdardyń áleýetin paıdalaný qajet. Bul týraly IX Azamattyq forýmda QR Adam quqyǵy jónindegi ýákil Elvıra Ázimova aıtyp berdi, dep habarlaıdy QazAqparat tilshisi.

«Biz zorlyq-zombylyqtyń ashyq jáne jasyryn túrlerin aıtyp otyrmyz. Ashyq zorlyq-zombylyqta Іshki ister mınıstrligi úshin, quqyq qorǵaý organdary men sot úshin bul jumys tergeý, jaýapqa tartý jáne jazalaý sııaqty kontýrlarda naqty kórsetilgen. Al jasyryn túrin aıtsaq, árıne, quqyq qorǵaý organdary bul máseleni ózdiginen jeńe almaıdy. Munda azamattyq qoǵamnyń róli óte mańyzdy, óıtkeni qazir búkil álemde belsendi jáne kásibı azamattyq qoǵamnyń halyqaralyq dúnıetanymǵa áser ete alatynyn kórip otyrmyz. Bul óte mańyzdy», - deıdi E. Ázimova.

Spıker 25 qazannan bastap búkil álemde «Zorlyq-zombylyqsyz 16 kún» aktsııasy bastalǵanyn eske saldy. Onyń aıtýynsha, zorlyq-zombylyq máselesin sheshýde zardap shekkenderge is júzinde kómek kórsetýmen aınalysatyn úkimettik emes uıymdardyń áleýetin paıdalaný qajet.

«Adamǵa qasaqana fızıkalyq zorlyq-zombylyq jasaıtyndar bar. Ol kim bolsa da, qandaı formada jábirlese de, ony qoǵam quptamaýy kerek. Mundaı qundylyqtardy durys jetkizý kerek. Bul turǵyda bizde kómek kórsetýmen aınalysatyn kásibı úkimettik emes uıymdar bar. Olardyń áleýetin naqty paıdalanýǵa, iske asyrýǵa bolar edi. Bizde kóptegen statıstıkalyq zertteýler júrgiziledi, quqyqtyq statıstıka bar. Bul máselemen aınalysatyn úkimettik emes uıymdar aqparat beredi. Ol keıde memlekettik organdar aıtqan statıstıkamen saı kelmeıdi. «Statıstıka týraly» zań úkimettik emes uıymdardyń aqparatyn derekkózderdiń biri dep kórsetedi. Sondyqtan osy kezeńde azamattyq qoǵamnyń únine qulaq asyp, osy jumysqa tartý óte mańyzdy», - dedi ýákil.


Joǵary qaraı