Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Zııandy oıynshyqtar Qazaqstanǵa kontrabanda arqyly jetkizilýi múmkin - Jamaýbaev

2022 jyldyń 19 mamyr 2022 11:22

NUR-SULTAN. QazAqparat – Zııandy oıynshyqtar Qazaqstanǵa kontrabandalyq jolmen ótkizilýi múmkin. Bul týraly QR Premer-Mınıstriniń orynbasary – Qarjy mınıstri Erulan Jamaýbaev málim etti, dep habarlaıdy QazAqparat tilshisi.

Búgin Senattyń jalpy otyrysynda depýtattar balalardyń oıynshyqtaryna qatysty radıatsııalyq baqylaý qalaı júzege asyrylatynyn surady.

«Keden qyzmetkerleri elimizge jetkizilip jatqan kez kelgen taýar men qondyrǵyny radıatsııalyq baqylaýdan ótkizedi. Bul turǵyda oıynshyqtar da nazardan tys qalmaıdy. Eger osyndaı taýarlardyń radıatsııalyq kórsetkishi joǵary bolsa, taýarlar qaıtadan tekseriledi. Osy oraıda bul kórsetkishter naqtylansa, ıondaýshy sáýlelený deńgeıi anyqtalsa, taýarlar sol elge qaıtadan qaıtarylady», - dedi E. Jamaýbaev.

Onyń paıymynsha, eger zııandy oıynshyqtar naryqqa ótip ketse, bul ónimder kontrabandalyq jolmen ótkizilýi múmkin.

«EAEO aıasynda bes memleket arasynda kedendik baqylaý júrgizilmeıdi. Osy oraıda basqa memleket arqyly ótip ketip jatsa, mundaı faktiler bolýy múmkin ekenin jasyrmaımyz. Birneshe jyl buryn sondaı faktiler bolǵan. Bul turǵyda tıisti memlekettik organdarmen birlese baqylaý kúsheıtilgen, tıisti tekserýler eskerilgen. Qarjy mınıstrligi tarapynan qondyrǵylardy jıi aýystyryp otyramyz, sebebi olardyń resýrstaryn eskerý kerek. Aldaǵy ýaqytta ótkizý beketterin jańǵyrtyp, arnaıy qondyrǵylardy jańartamyz», - dedi Erulan Jamaýbaev.

Budan buryn habarlanǵandaı, Senatynyń jalpy otyrysynda «Qazaqstan Úkimeti men Qytaı Úkimeti arasyndaǵy ıAdrolyq materıaldardy, radıoaktıvti materıaldardy, radıoaktıvti qaldyqtardy jáne radıatsııalyq-qaýipti zattardy zańsyz ótkizýdi bolǵyzbaýdaǵy ózara is-qımyl jónindegi kelisimdi ratıfıkatsııalaý týraly» Zańy qabyldandy.



Avtor Rýslan Ǵabbasov
Basty sózder: QR Úkimeti, Taýar, Bala, Densaýlyq,
Joǵary qaraı