Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jylytý maýsymy: ShQO qutqarýshylary 82 myń úıdi aralap shyqty

2021 jyldyń 20 qazan 2021 20:51

ÓSKEMEN. QazAqparat – Shyǵys Qazaqstan oblysynyń qutqarýshylary jylytý maýsymynyń bastalýyna oraı jer úı turǵyndaryna túsindirý jumysyn júrgizdi, dep habarlaıdy QazAqparat tilshisi.

ShQO TJD baspasóz qyzmetiniń málimetine súıensek, qutqarýshylar óńir jurtshylyǵyna peshti jylytý maýsymyna daıyndaýǵa kómektesýde. Tarbaǵataı aýdanynda 50-ge jýyq úı ıesine peshti retke keltirip, daıyndaýǵa kómek kórsetilgen. Departament qyzmetkerleri peshtegi jaryqtardy bitep, halyq arasynda túsindirý jumystaryn júrgizip jatyr.

«Qutqarýshylar oblys boıynsha 82 myńnan astam úıdi aralap shyqty. Ár úı ıesine peshti qaýipsiz paıdalaný erejeleri jazylǵan jadynamalar taratyldy. Ótken jylytý maýsymynda qutqarýshylardyń eskertýin elemegen 76 adam zardap shekken. Jaqyn arada jalǵyz basty qarttar, múgedekter men kópbalaly otbasylar turatyn úılerge ýly gazdy anyqtaıtyn qurylǵy ornatý jumystary bastalady», - dep habarlady vedomstvo ókilderi.

Esterińizge sala ketsek, búgin Shyǵys Qazaqstanda ıis tıgen 4 adamnyń aýrýhanaǵa jetkizilgenin habarlaǵan bolatynbyz.


Joǵary qaraı