Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jyldyq ınflıatsııanyń ósimi toqtady – Erbolat Dosaev

2021 jyldyń 18 qarasha 2021 11:31

NUR-SULTAN. QazAqparat – Qazaqstanda jyldyq ınflıatsııanyń ósýi toqtady. Bul týraly Senattyń jalpy otyrysynda QR Ulttyq banki tóraǵasy Erbolat Dosaev aıtty, dep habarlaıdy QazAqparat tilshisi.

«Memleket basshysynyń tapsyrmasy boıynsha ınflıatsııany turaqtandyrý maqsatynda Úkimet ákimdermen birlesip, osy jylǵy qyrkúıekten bastap baǵa ósýiniń monetarlyq emes faktorlaryn turaqtandyrý maqsatynda Inflıatsııaǵa qarsy den qoıý is-sharalarynyń kesheni iske asyra bastady. Óz tarapynan, Ulttyq bank ekonomıkadaǵy suranystyń ósýine jaýap retinde dezınflıatsııalyq aqsha-kredıt saıasatyn júrgizý aıasynda bazalyq stavkany 9 paıyzdan 9,75 paıyzǵa deıin úsh ret kóterdi. Suranys tarapynan ınflıatsııaǵa qarsy qysym bıylǵy jylǵy 9 aıda tutyný taýarlary ımportynyń 21,4 paıyzǵa ósýimen rastalady», - dedi «2022-2024 jyldarǵa arnalǵan respýblıkalyq bıýdjet týraly» baıandaǵan Erbolat Dosaev.

Onyń atap ótýinshe, Úkimet pen Ulttyq banktiń úılesken is-qımylynyń nátıjesinde bıylǵy qazanda 6 aı jedeldegen jyldyq ınflıatsııanyń ósimi toqtady.

«Inflıatsııaǵa qarsy den qoıý is-sharalarynyń kesheni aıasynda taýar naryqtaryndaǵy dısbalansty joıý maqsatynda jedel jáne júıeli is-sharalardy odan ári iske asyrý Memleket basshysynyń tapsyrmasyna sáıkes 2021 jyly ınflıatsııany 8,5 paıyzǵa deıin turaqtandyrýǵa jáne 2022 jyly 4-6 paıyzdyq nysanaly dálizge kirýge múmkindik beredi», - dedi UB tóraǵasy.


Joǵary qaraı