Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jyl sońyna deıin tórt telearna arqyly 11 tarıhı serıal kórermenge jol tartady

2021 jyldyń 2 jeltoqsan 2021 19:53

NUR-SULTAN. QazAqparat – Jyl sońyna deıin 4 telearna arqyly 11 tarıhı serıal kórermenge jol tartady. Bul týraly QR Aqparat jáne qoǵamdyq damý mınıstri Aıda Balaeva Kazmedia ortalyǵynda ótken tarıhı serıaldardyń tanystyrylymynda aıtty, dep habarlaıdy QazAqparat tilshisi.

«Túsirilip jatqan serıaldarǵa taǵdyry arqaý bolǵan tulǵalardyń báriniń de armany - eldi táýelsizdikke jetkizý edi. Osy jolda bastaryn báıgege tikti. Sondyqtan ult maqtanyshtarynyń ónegeli ómir jolyn kórsetý arqyly biz jas urpaqtyń rýhyn kóterip, táýelsizdigimizdiń qunyn uǵyndyra alamyz. Prezıdent tapsyrmasyn oryndaý aıasynda ulttyq arna osy sharany uıymdastyryp otyr. Telearna basshylyǵyna, Lázzat Muratqyzy men ujymǵa alǵys aıtamyz», - dedi vedomstvo basshysy.

Sondaı-aq, ol memlekettik telearnalar usynatyn kontenttiń 30 paıyzy tarıh taqyrybyna arnalyp otyrǵanyn málim etti.

«Búginde tarıhı jobalar memlekettik telearnalar usynatyn ónimniń 30 paıyzyn quraıdy. Jyl sońyna deıin tarıhı baǵyttaǵy 11 serıal kórermen nazaryna usynylady. Atap aıtsaq, ulttyq arnada «Domalaq ana», «Jáńgir han. Saraı syry», «Domalaq ana», «Qanysh. Qazyna», «Táshenev. Taıtalas», «Ahmet. Ult ustazy» hıkaıalary, «Habar» arnasynda «Bulbul ánshi Roza Baǵlanova», 31-arnada «Jambyl Jabaev», Almaty arnasynda «Turar Rysqulov» serıaldary kórsetiledi. Bulardyń bári kórermen kóńilinen shyǵyp, joǵary baǵa alady dep senemin. Bul týyndylardyń tanystyrylymyn jyldaǵydaı jabyq formatta da ótkizýge bolatyn edi. Dese de, tarıhı serıaldardyń mańyzyn eskere otyryp, arnaıy shara uıymdastyrdyq», - dep túıindedi Aıda Balaeva.


Joǵary qaraı