Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jyl saıyn eńbek naryǵyna 300 myń jas maman keledi – Máýlen Áshimbaev

2022 jyldyń 26 mamyr 2022 12:08

NUR-SULTAN. QazAqparat – Parlament Senatynyń tóraǵasy Máýlen Áshimbaev eńbek naryǵy men JOO men kolledj túlekteriniń biliktiligi máselesin kóterdi, dep habarlaıdy QazAqparat.

«Bizde jastardyń jumyssyzdyǵy máselesi aıtarlyqtaı ótkir emes, óıtkeni 90-shy jyldary demografııa báseńdedi. Túrli problemalar, daǵdarystar boldy, balalar az dúnıege keldi. Biraq 2000 jyldardan bastap jaǵdaı ózgerdi, qazir de bala týý kórsetkishi ósip keledi. Mysaly, taıaý jyldary bizde jyl saıyn eńbek naryǵyna 300-350 myń jas shyǵyp otyrady. Ári qaraı da bul kórsetkish ósedi. ıAǵnı, bul qysymdy aldaǵy 20-30 jylda únemi sezinetin bolamyz. 2003 jyly 247 myń bala týsa, ótken jyly 446 myń bala dúnıege kelgen. Qazirdiń ózinde eki ese kóp týady, 20 jyldan keıin olar eńbek naryǵyna shyǵady. Tıisinshe, aldaǵy jyldary balalardyń, jastardyń eńbek naryǵyna shyǵýyn boljap, olardy tıisti jumyspen qamtýymyz qajet», - dedi Máýlen Áshimbaev Senattyń búgingi otyrysynda.

Sonymen birge, Senat tóraǵasy máseleniń ekinshi bóligi jastardyń biliktiliginde jatqanyn basa aıtty.

«EYDU elderiniń, Dúnıejúzilik banktiń, basqa uıymdardyń mamandarynyń zertteýleri bar. Mektepti aıtpaǵanda, JOO men kolledj túlekteriniń biliktiligi aıtarlyqtaı tómen ekenin, ashyǵyn aıtsaq, EYDU elderiniń túlekterimen básekege qabiletsiz ekenin kórip otyrmyz. Joǵary oqý ornyn bitirgen jastar odan ári bilikti jumys oryndaryna ornalasa almaıdy. Sosyn qaıda barady? Bazarǵa, qurylysqa, ózin-ózi qamtýǵa ketedi. Bárinen buryn jastardyń sapaly jumys oryndaryna barýy úshin túlekterimizdiń jáne jastardyń biliktiligin arttyrýymyz kerek. Tıisti eńbek saıasaty men bilim berý saıasatyn josparlap, iske asyrý kezinde jastardyń óz betinshe jumys istemeı, sapaly jumys oryndaryn alýy úshin joǵary oqý oryndary men kolledj túlekteriniń biliktiligin arttyrýymyz kerek», - dedi Máýlen Áshimbaev.

Aıta keteıik, Senatta «Halyq tabysyn arttyrýdyń 2025 jylǵa deıingi baǵdarlamasy» keshendi jospary talqylanyp jatyr.

Premer-Mınıstrdiń orynbasary Eraly Toǵjanovtyń aıtýynsha, «Samuryq-Qazyna» qory kompanııalar tobyndaǵy óndiris jumysshylarynyń jalaqysy artady.

Sonymen birge, Qazaqstanda 2025 jylǵa deıin 2 mln-nan astam jańa jumys orny qurylady.


Joǵary qaraı