Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jyl basynan Qazaqstanda qandaı kólikter kóp satyldy

2021 jyldyń 18 qazan 2021 16:20

NUR-SULTAN. QazAqparat – Jyl basynan Qazaqstanda resmı dılerler 86 myńnan astam avtomobıl ótkizdi. Bul týraly «QazAvtoÓnerkásip»ZTB basqarma tóraǵasynyń orynbasary Artýr Mıskarıan Telegram kanalynda jazdy, dep habarlaıdy QazAqparat tilshisi.

«Ótken aıda qazaqstandyqtar avtosalondarda 10 517 tehnıka (jeńil avtokólik, avtobýs, júk kóligi, arnaıy tehnıka) satyp aldy. Bul kórsetkish 2020 jylǵy qyrkúıek aıyna qaraǵanda 12 paıyzǵa artyq. Álemdik avtokólik naryǵyndaǵy usynys tapshylyǵy kólik baǵasyna, al logıstıkalyq problemalar - óndirýshiler men dılerlerdiń mindettemesin ýaqytyly oryndalmaýyna áser etip otyr. Kólikti jetkizý merzimi marka, model jáne avtokóliktiń komplektatsııasyna qatysty qubylyp turady. Ortasha alǵanda, klıent pen avtosalon arasynda shartqa qol qoıǵannan bastap, kólikti tabystaǵanǵa deıin 3-ten 6 aıǵa deıin ýaqyt kerek», - deıdi A. Mıskarıan.

Qyrkúıek aıyndaǵy TOP-5 brend: Chevrolet – 2 338 kólik, Hyundai – 1 947, Toyota – 1 214, KIA – 855, sondaı-aq LADA-nyń 823 kóligi satyldy.

«LADA-ny qospaǵanda, alǵashqy bestiktegi brendterdiń satylymy negizinen turaqty bolyp tur. Ótken jyldyń qyrkúıek aıymen salystyrǵanda LADA kólikteriniń satylymy 61 paıyzǵa tómendedi», - dedi ol. Bıylǵy 9 aıdaǵy TOP-5 brendtiń qataryna: Chevrolet, (22 383 kólik), Hyundai (17 576), Toyota (10 404), KIA (6 993), LADA (5 660 kólik) endi. «Jyl basynan beri resmı dılerler jalpy 86,5 myń avtomobıl ótkizip, osy arqyly naryq 36 paıyzǵa ósti. Qazirgi tapshylyq pen baǵa ósimine qaramastan, suranys turaqty bolyp tur», - dep atap ótti A. Mıskarıan.


Avtor Rýslan Ǵabbasov
Basty sózder: Kólik,
Joǵary qaraı