Aýa raıy
Astana -25 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Jyl basynan beri turmystyq zorlyq-zombylyq faktileri 2,5 esege artqan

2020 jyldyń 25 qarasha 2020 15:54

NUR-SULTAN. QazAqparat – IX Azamattyq forýmda sarapshylar turmystyq zorlyq-zombylyq máseleleri talqylandy, dep habarlaıdy QazAqparat tilshisi.

QR Parlamenti Májilisiniń depýtaty Irına Smırnovanyń aıtýynsha, bul máseleni talqylap, basty sebepterin anyqtaý kerek.

«Normalar men talaptardy kúsheıtý árdaıym paıda tıgize bermeıdi, óıtkeni barlyq problemalardyń qaıdan shyǵatynyn túsiný kerek. Árıne, pandemııa kezinde barlyq adamdar úırenshikti jerine bara almaı, úıde otyrdy. Qashyqtan jumys istedi, balalar da bul ýaqytta úıde boldy. Munyń bári qarajattyń jetispeýi, kúndelikti problemalarmen astasyp jáne túsinispeýshilikterdiń týyndaýyna ákep soqty. Mundaı zorlyq-zombylyqtyń sońy árıne qaıǵyly aıaqtalady. Muny talqylap otyrǵanymyzǵa qýanyshtymyn. Adam zorlyq-zombylyqpen polıtsııaǵa júgingende tergeýshi nemese polıtsııa qyzmetkeri birden jaýap bere almaıdy jáne ne isteý kerektigin aıta almaıdy», - dedi Irına Smırnova.

QR Prezıdenti janyndaǵy Áıelder isi jáne otbasylyq-demografııalyq saıasat jónindegi komıssııanyń tóraǵasy Lázzat Ramazanova bul problemanyń zorlyq-zombylyq qurbandarymen tikeleı jumys isteıtin uıymdarǵa da qatysty ekenin aıtty.

«Bas prokýratýranyń Quqyqtyq statıstıka jáne arnaıy esepke alý komıtetiniń derekteri boıynsha, 2020 jyldyń 9 aıynda respýblıkada ótken jyldyń kezeńmen salystyrǵanda qylmystyq quqyqbuzýshylyqtar sany azaıyp, 34,4%-dy qurady. Sonymen qatar, otbasylyq-turmystyq zorlyq-zombylyq kóbeıip, 2,5 ese ósti», - dedi Lázzat Ramazanova.

QR ІІM Ákimshilik polıtsııa komıtetiniń ıývenaldy polıtsııa jáne áıelderdi zorlyq-zombylyqtan qorǵaý basqarmasynyń basshysy Áset Ospanovtyń aıtýynsha, otbasylyq-turmystyq quqyqbuzýshylyqtar jasyryn sıpatta bolady, óıtkeni kópshiligi úıden janjaldy syrtqa shyǵarǵysy kelmeıdi.

«Turmystyq zorlyq-zombylyq máselesi tek Qazaqstanǵa emes, búkil álemge tán. Otbasylyq jáne turmystyq quqyqbuzýshylyqtar kóp jaǵdaıda jasyryn qalady, óıtkeni olar úıdegi janjaldy polıtsııaǵa aıtyp, pana suraǵysy kelmeıdi. 2017 jyldyń sońynan bastap ınternet pen áleýmettik jelide turmystyq zorlyq-zombylyq týraly aqparat kóbeıdi. Biz ony muqııat zertteı bastadyq. Bas prokýratýramen birlesip statıstıkany baqylaýdy kúsheıttik. 2018 jyly 180 qylmys boıynsha qosymsha kartochkalar qoıyldy. 2019 jyly turmystyq qylmystardyń 14%-ǵa ósýi baıqaldy. Al bıyl turmystyq-otbasylyq qatynastar salasyndaǵy qylmystardyń 0,6%-ǵa ósýi baıqalady. Júrgizilgen taldaýǵa sáıkes, bul qylmystardyń jartysynan kóbi mas kúıinde jasalǵan. Qylmystyń 80%-dan astamyn jumyssyz adamdar jasaǵan. Turmystyq zorlyq-zombylyqtan zardap shekkenderdiń 45 % - áıelder, 5% - kámeletke tolmaǵandar jáne 50% - er adamdar», - dedi Áset Ospanov.


Joǵary qaraı