Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Jýsan» operatsııasy: 77 áıel radıkaldy ıdeologııadan bas tartty

2021 jyldyń 28 qazan 2021 12:55

NUR-SULTAN. QazAqparat – «Jýsan» operatsııasynyń nátıjesinde qazaqstandyq 77 áıel radıkaldy ıdeologııadan óz erkimen bas tartty. Bul týraly QR Terrorızmge qarsy ortalyq shtabynyń bólim basshysy Janarbek Jańabaev málim etti, dep habarlaıdy QazAqparat tilshisi.

«Sırııada terrorıstik uıymdardyń qurbany bolyp, «Jýsan» operatsııasynyń arqasynda qurqarylǵan birqatar otandastarymyz týraly bilesizder. Atalǵan operatsııa aldynda daıyndyq jumystary júrgizildi. Arnaıy top Sırııaǵa baryp jaǵdaıdy baqylaýdy, onyń jospary ázirlendi. «Jýsan» operatsııasy arqyly arqyly barlyǵy 607 qazaqstandyq elge oraldy. Onyń ishinde 37 erkek, 157 áıel jáne 413 bala (sonyń ishinde 34 jetim bala) elge aman-saý jetkizildi. Sonymen qatar 59 adam qylmystyq jaýapqa tartyldy. Qazaqstanǵa kelgen soń otandastarymyzdy beıbit ómirge beıimdeý sharasy ótkizildi. Nátıjesinde 88 áıel ıslamdy qaıta qabyldap, 77 áıel radıkaldy ıdeologııadan bas tartty», - dedi Janarbek Jańabaev «Kazakhstan Security Systems -2021» atty respýblıkalyq konferentsııa barysynda.

Onyń aıtýynsha, «Jýsan» operatsııasyna kóptegen elder qyzyǵýshylyq tanytyp jatyr.

«Bizdiń tájirıbemizge qyzyǵýshylyq tanytyp jatqan biraz elder bar. Qazaqstanda terrorızmge qarsy jáne aldyn alýǵa qatysty sharalar memlekettik deńgeıde 2000 jyldary qolǵa alyndy. Sodan beri 20 jyldan astam ýaqyttyń ishinde memlekettik deńgeıdegi sheshimder óz nátıjesin berip otyr. Terrorızmmen kúreste barlyq memlekettik jáne quzyrly organdar ózara tyǵyz baılanysta jumys istep keledi», - deıdi ol.

Aıta keteıik, búgin elordada terrorıstik qaýip-qaterge qarsy kúres taqyrybyna arnalǵan 8-shi respýblıkalyq konferentsııa ótip jatyr.

Atalǵan sharada qaýipsizdikti nyǵaıtý salasyndaǵy búgingi ahýal men tendentsııalar ortaǵa salynyp jatyr. Jáne konferentsııa QR Ulttyq qaýipsizdik komıtetiniń Terrorızmge qarsy ortalyǵynyń uıytqy bolýymen ótýde.


Joǵary qaraı