Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jurttyń kózinshe er adamdy atqan ekibastuzdyq  sottaldy

2021 jyldyń 17 qyrkúıek 2021 20:10

PAVLODAR. QazAqparat – Tańerteńgilik mezgilde kóshede ótip bara jatqandardyń kózinshe er adamdy atqan Ekibastuz turǵyny sottaldy. Oǵan QR QK eki baby boıynsha aıyp taǵyldy, dep habarlaıdy QazAqparat Pavlodarnews.kz saıtyna silteme jasap.

65 jastaǵy zeınetkerge 287-bap - «qarýdy, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, satý, saqtaý, tasymaldaý nemese alyp júrý», sondaı-aq 99-bap - «kisi óltirý» boıynsha aıyp taǵyldy.
Eske sala keteıik, 23 aqpan kúni saǵat 08:00-de Ekibastuzda Sátbaev kóshesindegi úıdiń aýlasynda belgisiz bireý qarýdan oq atqan. Jaraqat alǵan er adam oqıǵa ornynda qaza tapqan.
Pavlodar oblysy qylmystyq ister jónindegi mamandandyrylǵan aýdanaralyq sotynyń baspasóz qyzmeti zeınetkerdiń QR QK 99-babynyń 1-bóliginde jáne 287-babynyń 3-bóliginde kózdelgen qylmystyq quqyq buzýshylyqtar jasaǵany úshin kináli dep tanylǵanyn málim etti.
Keıinirek sottalýshy qarsylasyn jek eki ret – artynan jáne basynan atqany belgili boldy.

Prokýror Qylmystyq kodekstiń eki baby boıynsha 14 jylǵa bas bostandyǵynan aıyrýdy, al jábirlenýshiler - uly, qyzy jáne jubaıy eń joǵary jaza sharasyn -15 jyl taǵaıyndaýdy jáne árqaısysyna bes mıllıon teńge mólsherinde moraldyq zııan óndirip alýdy surady.
Sottalýshy óz kinásin ishinara moıyndap, kisi óltirý oıy bolmaǵanyn túsindirdi.
Jábirlenýshilerdiń azamattyq talaby ishinara qanaǵattandyrylyp, jalpy somasy 7 mln teńge óndirildi.
Úkim zańdy kúshine engen joq.


Basty sózder: Pavlodar oblysy, Qylmyspen kúres, Sot,
Joǵary qaraı