Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jumyssyz jastardy eńbekpen qamtýdyń úlesi qandaı

2021 jyldyń 26 aqpan 2021 11:43

NUR-SULTAN. QazAqparat - Eńbek jáne halyqty áleýmettik qorǵaý mınıstrliginiń alqa májilisinde vedomstvo basshysy Serik Shápkenov byltyrǵy jumyspen qamtý salasyndaǵy jaǵdaıdy baıandady, dep habarlaıdy QazAqparat tilshisi.

Mınıstr óz sózinde 2020 jyly halyqty jumyspen qamtamasyz etý úshin jedel sharalar kesheni der kezinde qabyldanǵanyn atap ótti.

«649 myń adam «Eńbek» memlekettik baǵdarlamasynyń qatysýshysy boldy. Onyń ishinde jumyssyz jastar qatysýshylardyń úshten birinen kóbin quraıdy (32%) nemese 211 myń adam, 277 myńy nemese 43 paıyzy - áıelder. Barlyǵy 437 myń adam, onyń ishinde 319 myń adam nemese 73 paıyzy turaqty jumyspen qamtyldy. 210 myń adam sýbsıdııalanǵan jumyspen qamtyldy. Oqýmen (qysqa merzimdi kýrstar, tehnıkalyq-kásibı bilim, «Bastaý Bıznes») 70 myńnan astam adam qamtyldy, onyń ishinde «Bastaý Bıznes» jobasy boıynsha kásipkerlik negizderine 33 myńnan astam adam oqytyldy. Jańa bıznes-ıdeıalardy júzege asyrý úshin 12 700 jeńildetilgen mıkrokredıt jáne 44 900 qaıtarymsyz memlekettik grant berildi. Sonyń ishinde 1,4 myń mıkrokredıt kópbalaly jáne tabysy az otbasylarǵa berildi. Mıkrokredıt alýshylar qosymsha 13,7 myń jumys ornyn qurdy. 5,8 myń adam soltústik óńirlerge qonys aýdardy, onyń ishinde jumyspen qamtýdyń belsendi sharalarymen eńbekke jaramdy jastaǵy 2,5 myń adam (jumyspen qamtyldy, bıznesti damytýǵa múmkindik aldy jáne taǵy basqa) qamtyldy», – dedi S. Shápkenov Eńbek mınıstrliginiń alqa májilisinde.

Eńbekmıniniń basshysy 2020 jyly jumyssyzdyqtyń ýshyǵý qaýpin azaıtý maqsatynda daǵdarysqa qarsy jańa baǵdarlama – Jumyspen qamtýdyń jol kartasy qabyldanǵanyn jáne iske asyrylǵanyn da eske saldy.

«Jol kartasy 6,7 myń ınfraqurylymdyq jobany iske asyrý kezinde taǵy 239 myń adamdy jumyspen qamtamasyz etti. Degenmen, jeke óńirlerge qatysty máseleler bar. Birinshiden, jumyspen qamtýdyń Almaty, Batys Qazaqstan, Túrkistan oblystary men Almaty qalasynda josparlanǵan ındıkatoryna qol jetkizilgen joq. Ekinshiden, Almaty oblysynda jobalyq-smetalyq qujattama uzaq ýaqytqa sozylǵandyqtan, 6 mekteptiń qurylysy bastalmaǵan. Bıyl mundaı problemalar bolmaıdy dep senemin», – dedi mınıstr.

Budan bólek, basqa memlekettik baǵdarlamalar men jeke bastamalardy iske asyrý aıasynda 559 myń jumys orny quryldy, onyń 386 myńy turaqty.

Jalpy, jyl qorytyndysynda 1,4 mıllıonnan astam adam jumyspen qamtý sharalarymen qamtyldy, onyń ishinde 783 myń adam turaqty jumysqa ornalastyryldy. 2020 jylǵy 4-toqsandaǵy jumyssyzdyq deńgeıi 4,9 paıyzdy qurady.


Joǵary qaraı