Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jumyspen qamtýdyń jol kartasy aıasynda 8 myńǵa jýyq jumys orny ashyldy

2021 jyldyń 17 qyrkúıek 2021 10:15

NUR-SULTAN. QazAqparat - 1 qyrkúıektegi jaǵdaı boıynsha Jumyspen qamtýdyń 2020-2021 jyldarǵa arnalǵan jol kartasy sheńberinde ortasha jalaqysy 91 myń teńge bolatyn 7,8 myń jumys orny quryldy, dep QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Jumyspen qamtýdyń jol kartasy jobalary mynadaı 4 negizgi baǵytqa bólingen: Halyqtyń ómir súrý sapasyn arttyrý; ShOB úshin qarjylandyrýdyń qoljetimdiligin arttyrý; agroónerkásiptik keshendi damytý; óńirlerde bıznesti damytý.

Qazirgi ýaqytta 175 ınfraqurylymdyq jobada qurylys jumysy júrgizilip jatyr, taǵy 25-i iske asyrýdyń bastapqy kezeńinde tur.

Esterińizge sala keteıik, 2021 jyly barlyq baǵyt boıynsha 40,9 myń jumys orny qurylady, onyń 28,3 myńnan astamy turaqty jumys oryndary bolady.

Jumys izdep júrgen qazaqstandyqtar turǵylyqty jeri boıynsha halyqty jumyspen qamtý ortalyqtaryna barý arqyly Jumyspen qamtýdyń jol kartasy boıynsha ınfraqurylymdyq jobalardy iske asyrýǵa qatysa alady.

Halyqty jumyspen qamtý ortalyqtary ýaqytsha tirkelgen adamdardy qosa alǵanda, jumyspen qamtý organdarynda jumys izdep júrgen adamdar, jumyssyzdar retinde tirkelgender, sondaı-aq jumystan bosatylatyn adamdar, jalaqysy saqtalmaıtyn demalysta júrgen adamdar, stýdentter qatarynan qajetti biliktiligi bar mamandardy irikteıdi jáne olardy ınfraqurylymdyq jobany iske asyratyn jumys berýshi-merdigerge jiberedi.

HJQO arqyly ınfraqurylymdyq jobalarǵa jumysqa ornalastyrý kezinde jumyssyz jastarǵa, NEET sanatyndaǵy jastarǵa, sondaı-aq densaýlyǵyna zııan keltirmeıtin jáne oqý protsesin buzbaıtyn jumystarda stýdentterge basymdyq beriledi.

HJQO qajet bolǵan jaǵdaıda ınfraqurylymdyq jobaǵa jumysqa ornalastyrýǵa kepildik bere otyryp, tıisti jumystardy oryndaý úshin jumys berýshi-merdigerdiń/qosalqy merdigerdiń ótinimderi boıynsha kadrlardy qaıta daıarlaýdy qamtamasyz etedi.

HJQO baǵyttary boıynsha jumysqa ornalasqandardyń jalaqy mólsheri salyqtardy, áleýmettik tólemderdi jáne ekologııalyq ústemeaqylar boıynsha tólemderdi esepke almaǵanda, paıdalanylmaǵan eńbek demalysy úshin ótemaqyny eskere otyryp, eń tómengi jalaqynyń keminde eki mólsheri (83 myń teńge) deńgeıinde belgilenedi.


Joǵary qaraı