Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jumys berýshi eńbek daýyn týyndatqan jumysshylardy qaı jaǵdaıda sotqa bere alady

2021 jyldyń 22 qazan 2021 14:12

NUR-SULTAN. QazAqparat – Jumys berýshiler eńbek daýyn týyndatqan jumysshylardyń áreketin zańsyz dep tapsa, sotqa bere alady. Ortalyq kommýnıkatsııalar qyzmetinde ótken brıfıngide QR Bas memlekettik eńbek ınspektory Tólegen Ospanqulov osy protsedýranyń tártibin túsindirdi, dep habarlaıdy QazAqparat tilshisi.

«Eńbek daýlaryn sheshý joldary Eńbek kodeksinde tolyq aıqyndalǵan. Jumysshylar jumys berýshige qoıatyn talaptaryn ereýilge shyqpastan bir apta buryn jazbasha habarlaýy kerek. Ony jumys berýshi 3 kúnniń ishinde qarap jaýap beredi. Al eger sol 3 kúnniń ishinde jumys berýshi máseleni óz deńgeıinde sheshe almaıtyn bolsa, mekemeniń ishinde bitimgerlik komıssııasy qurylady. Ol komıssııa máseleniń bárin 7 kúnniń ishinde qarap bitirýi kerek. Komıssııanyń ishinde de daýdyń túıini tarqatylmasa, tórelik sotqa beredi. Másele osylaısha tórelik komıssııada qaralady», - degen Bas memlekettik eńbek ınspektory atalǵan protsedýra saqtalamasa, narazylyq aktsııasyna shyqqandar jumys berýshiniń aldynda jazyqty bolyp qalýy múmkin ekenin eskertti.

«Keıde jumysshylar osy tártipti saqtamaı, birinshi kúnnen bastap eshqandaı jazbasha aryzsyz qarlylyq aktsııasyna shyǵyp jatady. Bul kezde jumys berýshiniń olardy sotqa berýge quqyǵy bar. ıAǵnı másele jergilikti sottar deńgeıinde qaralyp, aq-qarasy anyqtalady. Bıyl eńbek daýlarynyń kóbi Mańǵystaý oblysynda boldy ǵoı. Sol jaǵdaılardyń ishinde bir mekeme ǵana sotqa osyndaı aryz túsirdi. Sot jumysshylardyń qarsylyq aktsııasyn zańsyz dep tanydy. Biraq jumysshylar óz jaǵdaılaryn túsinip, eki tarap bitimge keldi», - dedi Tólegen Ospanqulov


Joǵary qaraı