Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Juqa muz ústinde oınaǵan balalar astanalyqtardy shoshytty

2021 jyldyń 6 qarasha 2021 22:10

NUR-SULTAN. QazAqparat - Juqa muzda oınaǵan balalar astanalyqtardy shoshytty. QazAqparat Esil ózeniniń juqa muzynda oınap júrgen balalar astanalyqtardy shoshytty, dep habarlaıdy QazAqparat qalalyq Polıtsııa departamentine silteme jasap.

Búgin saǵat 14:36-da 102-ge Qajymuqan kóshesiniń boıynda Esil ózeninde balalardyń oınap júrgeni týraly habarlama keldi. Oqıǵa ornyna dereý avtopatrýl jiberildi. Polıtsııa qyzmetkerleri aǵaıyndy 9-10 jas aralyǵyndaǵy eki balany anyqtady. Kadrlarda muz ústinde balalardyń bir-birin qýalap, áli qalyń qatpaǵan ózennen ári -beri ótip jatqany kórinedi. Polıtseıler balalardyń ata-analaryn anyqtady. Oqıǵa ornyna uldardyń anasy shaqyryldy. Onymen jáne balalarmen sý aıdyndarynda oınaýdyń zııany men zardaptary týraly profılaktıkalyq áńgime júrgizildi.

Nur-Sultan qalasynyń Polıtsııa departamenti sý aıdyndarynan názik muzben ótýge qatań tyıym salynǵanyn eskertedi. Mundaı oıyn óte qaýipti jáne qaıǵyly jaǵdaıǵa soqtyrýy múmkin.

«Qurmetti ata-analar, balalaryńyzǵa juqa muzben júrý jáne olardyń úıden tys jerde júris-turysyn baqylaý qaýipti ekenin eskertińizder!» - dep qosty departamenttegiler.


Joǵary qaraı