Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jýalyda qurt tsehy iske qosyldy

2021 jyldyń 10 naýryz 2021 22:56

JÝALY. QazAqparat – Jýaly aýdanyndaǵy «Býrnoe sút kompanııasy» JShS qurt tsehyn iske qosty. Qazir daıyn ónim naryqqa shyǵarylýda, - dep habarlaıdy QazAqparat tilshisi.

Ótken jyly kásiporyn 1200 tonna qatty irimshik, 263 tonna sary maı, 13 myń lıtr sút óndirilgen.

Zaýyt sút ónimderiniń 70 paıyzyn Reseı memleketine eksporttaýda. Búginde kásiporynda 140 adam eńbek etedi. Olardyń bir jyldyq jalaqysyna seriktestik 154 mıllıon teńgeden astam qarjy bólip, aılyq qoryn 10 paıyzǵa joǵarlatqan. Kásiporynǵa 18 aýyl sharýashylyǵy kooperatıvi, 60 sharýa qojalyǵy, 30 jeke kásipker sút ótkizýde.

«Zaýyt 1951 jyly salynǵan. «Taraz» áleýmettik-kásipkerlik korporatsııasy» AQ-nyń 45 paıyzdyq úlesi bar. Búgingi tańda qurt tsehyn ashýdamyz. Ónimin Otandyq naryqqa shyǵarýdamyz. Alda ony da eksportqa shyǵarý josparymyzda bar. Respýblıkalyq, oblystyq jáne aýdandyq jármeńkelerge óz ónimimizdi turaqty shyǵaryp, baǵa naryǵyn tómendetýge úlesimizdi qosyp kelemiz. Ótken jyly óndiris aınalymynda 4,7 mıllıard teńge bolsa, bıyl ony 5,3-5,5 mıllıard teńgege kóterý kózdelgen. Jýyrda eki jyl buryn qolǵa alǵan jobamyzdy iske asyrǵaly otyrmyz. Sóıtip endi aıran, qaımaq shyǵarýdy da qolǵa almaq nıettemiz. Oǵan kerekti qural-jabdyqtardy ornalastyrýdamyz. Bul jobamyz iske assa, aldaǵy ýaqytta taǵy da 40-50 adamdy jumyspen qamtıtyn bolamyz», — deıdi seriktestik dırektory Ábdibek Poshqaev.

Budan bólek, seriktestiktiń júzege asyrǵaly otyrǵan jobasynyń biri «Jýaly» taýarly sút fermasy jelisin qurý. Bul jobany júzege asyrý úshin seriktestik Jýaly aýdanynyń Qarasaz aýyldyq okrýgindegi Jurymbaı aýylynan ferma satyp alǵan. Endi fermany saýyn sıyrǵa toltyryp, zaýytty sútpen qamtymaq.

«Jyl sanap súttiń jetispeýshiligi oryn alýda. Biz kásiporyndy keńeıtýdi qolǵa alǵandyqtan, sút óndirý kólemin kóbeıtýimiz kerek. Óıtkeni, saýda ortalyqtarynyń suranysyn qanaǵattandyrý úshin shıkizat kózin molaıtpaı, jumys kózin úılestirmeı tyǵyryqtan shyǵa almasymyz anyq», — deıdi Ábdibek Poshqaev.

Osylaısha seriktestik taýarly sút fermalar jelisin qalyptastyryp, shıkizatty óz kúshimen sheshpek.


Joǵary qaraı