Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

JOO oqytýshylarynyń 92 paıyzy, stýdentterdiń 70 paıyzy vaktsına aldy – BǴM

2021 jyldyń 20 qazan 2021 19:01

NUR-SULTAN. QazAqparat – JOO oqytýshylarynyń 92% jáne stýdentterdiń 70% koronavırýsqa qarsy vaktsına saldyrdy. Bul týraly QR Bilim jáne ǵylym birinshi vıtse-mınıstri Sholpan Karınova aıtyp berdi, dep habarlaıdy QazAqparat tilshisi.

«Qazirgi ýaqytta elimizde 222 joǵary oqý orny jumys isteıdi. Bilim alýshylardyń jalpy kontıngenti 600 myńǵa jýyqtaıdy. Jańa oqý jylynda 173 myń adam birinshi kýrsqa qabyldandy, onyń ishinde 63 myń adam grantqa tústi. Akademııalyq kúntizbege sáıkes, stýdentter barlyq daıyndyq baǵyttary boıynsha aralas formatta oqýdy bastady. ıAǵnı, dárister onlaın, semınar, zerthanalyq jáne praktıkalyq sabaqtar oflaın rejımde ótkiziledi», - dedi Qýanysh Erǵalıev Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, erekshe bilim berý qajettilikteri bar jáne qaterli toptaǵy stýdentter qashyqtan oqı alady.

Sondaı-aq, juqpaly aýrý belgileri bolǵan jaǵdaıda stýdentter oqýdy onlaın rejıminde jalǵastyra alady.

Vıtse-mınıstr bıyl joǵary oqý oryndary jańa oqý jylynda oqý protsesin uıymdastyrý boıynsha birqatar sharalar qabyldaǵanyn habarlady.

Sanıtarlyq-epıdemıologııalyq rejımdi qamtamasyz etýge erekshe kóńil bólinedi.

JOO-da maskalyq rejım talap etiledi, barlyq korpýstarda sanıtaızerler, dezınfektsııalyq arkalar, teplovızorlar ornatylǵan.

JOO, oqý korpýstary, kitaphana men jataqhanalar aýmaǵynda Ashyq qosymshasy qoldanylady.

Oflaın sabaqtarǵa «jasyl» nemese «kók» mártebesi bar stýdentter jiberiledi.

Bas sanıtar dárigerdiń qaýlysyna sáıkes oqytýshylar men qyzmetkerler úshin medıtsınalyq qarsy kórsetilimderi barlardy qospaǵanda, «jasyl» mártebeniń bolýy mindetti bolady.

Stýdentterde PTR-testileýdiń bolýyn talap etýge jol berilmeıdi.

Іri mádenı-buqaralyq is-sharalardy ótkizýge tyıym salynady, sabaqtar aıaqtalǵannan keıin aýdıtorııalardyń ýaqytyly bosaýy qadaǵalanady.

Oqý sabaqtary kezinde dálizder men aýdıtorııalar jeldetiledi, jalpy qoldanystaǵy jabdyqtardyń betterin únemi dezınfektsııa júrgiziledi.

Sonymen birge, Q. Erǵalıev koronavırýs ınfektsııasyna ujymdyq ımmýnıtetti qurý úshin JOO oqytýshylary, JOO qyzmetkerleri jáne stýdentter arasynda aqparattyq-túsindirý jumystaryn júrgizip jatqanyn atap ótti.

Búgingi tańda oqytýshylardyń shamamen 92-y jáne stýdentterdiń shamamen 70%-y vaktsınalandy.

Bilim berý uıymdary vaktsınalanǵan oqytýshylar men qyzmetkerlerge syılyqaqy usynady, olarǵa aqyly demalys beredi, stýdentter úshin oqýǵa jeńildikter, saýyqtyrý sanatorıılerine tegin joldamalar kózdelgen.

Vıtse-mınıstrdiń aıtýynsha, oqý jylynyń basynan beri koronavırýs ınfektsııasymen aýyrǵan stýdentter sany 990 adamdy, oqytýshylar sany 596 adamdy qurap otyr.


Joǵary qaraı