Aýa raıy
Astana 25 °S
Almaty 32 °S
valıýta baǵamy
USD 409.19
EUR 461.24
RUB 5.67
CNY 58.26

JOO-lardy ońtaılandyrý jónindegi komıssııa quryldy – Asqar Mamın

2019 jyldyń 14 qarasha 2019 12:13

NUR-SULTAN. QazAqparat - Elimizde Joǵary oqý oryndaryn ońtaılandyrý máseleleri jónindegi komıssııa quryldy. Bul týraly QR Premer-Mınıstri Asqar Mamınniń Májilis depýtatynyń resmı saýalyna bergen jaýabynda aıtylǵan, dep habarlaıdy QazAqparat tilshisi.

«Bilim týraly» Qazaqstan Respýblıkasy Zańynyń 62-babyna sáıkes memlekettik bilim berý kásiporyndaryn, basqa da uıymdyq-quqyqtyq nysandardaǵy bilim berý uıymdaryn qarjylandyrý memlekettik bilim berý tapsyrysy negizinde júzege asyrylady jáne onyń kólemi jan basyna shaqqandaǵy normatıvtik qarjylandyrý boıynsha aıqyndalady. Bul rette, bilim berý qyzmetiniń normatıvi bilim berý protsesine baılanysty shyǵystar (bilim berý protsesine qatysatyn qyzmetkerlerdiń eńbekaqy qory, oqý shyǵystary) men bilim berý ortasyna qajetti shyǵystar (bilim berý protsesine qatyspaıtyn qyzmetkerlerdiń eńbekaqy qory, ǵımarattardy ustaý jáne qyzmet kórsetý shyǵystary) endi. Sizdiń grant qunynan bilim berý ortasyna shyǵyndardy shegerý jónindegi usynystaryńyzǵa qatysty, ony qabyldaý kommertsııalyq emes aktsıonerlik qoǵam nysanyndaǵy joǵary oqý oryndarynyń tolyq qarjylandyrylmaýyna (bilim berý ortasy shyǵystaryna qarajatty ornalastyrý múmkindiginiń bolmaýynan), olardyń materıaldyq-tehnıkalyq bazasynyń nasharlaýyna, shyǵyndardyń bolýyna, grant qunynyń tómen mólsherine baılanysty memlekettik bilim berý tapsyrysynan jeke menshik joǵary bilim uıymdarynyń bas tartýyna ákep soǵýy múmkin, bul jastardyń joǵary bilim alýǵa qol jetkizýine teris áser etedi», - dedi Úkimet basshysy.

Onyń atap ótýinshe, qazirgi tańda joǵary bilimniń qoljetimdiligin arttyrý, jastardyń sheteldik joǵary oqý oryndaryna ketýin boldyrmaý maqsatynda respýblıkalyq bıýdjet esebinen qarjylandyrý jyl saıyn bólinetin memlekettik tapsyrystyń kólemin ulǵaıtýǵa baǵyttalǵan. Osylaısha, ulǵaıý 2017 jyly 10 myń oryndy, 2018 jyly 20 myń oryndy qurady. Osy maqsattarǵa respýblıkalyq bıýdjetten qosymsha 2017 jyly – 603,3 mln teńge, 2018 jyly – 4 959,5 mln teńge, 2019 jyly – 22 681,1 mln teńge bólindi. Sonymen qatar, Qazaqstan Respýblıkasyn 2015-2019 jyldarǵa arnalǵan ındýstrıaldy-ınnovatsııalyq damytýdyń memlekettik baǵdarlamasy sheńberinde elimizdiń 11 joǵary oqý orny jalpy somasy 6 mlrd teńge bolatyn 49 zamanaýı oqý-zertteý zerthanalarymen jaraqtandyryldy. Qazirgi tańda Dúnıejúzilik bank qarajaty esebinen 7 pedagogıkalyq joǵary oqý ornynyń materıaldyqtehnıkalyq bazasyn nyǵaıtý júzege asyrylýda. Sonymen birge, «Qazaqstan Respýblıkasynyń keıbir zańnamalyq aktilerine joǵary oqý oryndarynyń akademııalyq jáne basqarý derbestigin keńeıtý máseleleri boıynsha ózgerister men tolyqtyrýlar engizý týraly» 2018 jylǵy 4 shildedegi Qazaqstan Respýblıkasynyń Zańynda joǵary oqý oryndaryna basqarýshylyq jáne qarjylyq derbestik berildi, olar kommertsııalyq emes aktsıonerlik qoǵam bolyp qaıta quryldy jáne qarajattardy tartý men qarjy qarajatyn jumsaýǵa, olardy joǵary oqý ornyn damytý úshin jınaqtaýǵa qabiletti.

«Qazirgi ýaqytta joǵary oqý oryndaryndaǵy 50-90 paıyz tabys joǵary oqý orny aıqyndaıtyn aqyly bilim berý qyzmetteri esebinen qalyptastyrylady. Osyǵan oraı, búginde memleketettiń saıasaty joǵary oqý oryndaryna akademııalyq jáne qarjylyq bostandyq berýge baǵyttalǵan jáne olardyń materıaldyq-tehnıkalyq ustaýy jeke menshik qarajat esebinen júzege asyrylady. Sonymen qatar, meniń ókimimmen Qazaqstan Respýblıkasy Úkimetiniń janynan Qazaqstan Respýblıkasy Premer-Mınıstriniń orynbasary B.M. Saparbaevtyń tóraǵalyǵymen Joǵary oqý oryndaryn ońtaılandyrý máseleleri jónindegi komıssııa quryldy. Atalǵan komıssııanyń negizgi mindeti joǵary bilimi bar kadrlardy daıarlaýdyń sapasyn, onyń ishinde turaqty qarjylandyrý esebinen arttyrý týraly usynystar men usynymdardy ázirleý bolyp tabylady. Jalpy alǵanda, kórsetilgen baǵyttardaǵy jumys jalǵasady jáne Úkimettiń turaqty baqylaýynda», - dedi Asqar Mamın.

Aıta keteıik, Májilis depýtat, «Nur Otan» partııasy fraktsııasynyń múshesi Á. Bekturǵanov Úkimet basshysyna joldaǵan saýalynda joǵary bilim berý salasyn kredıttik-jan basyna shaqqandaǵy qarjylandyrý aıasynda bilim berý granty qurylymyn qalyptastyrý ádistemesin qaıta qaraýdy suraǵan bolatyn.

Joǵary qaraı