Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jolyńdy ashyp beremin: Qyzylordada alaıaq balger qolǵa tústi

2021 jyldyń 5 qazan 2021 14:41

QYZYLORDA. QazAqparat - Qyzylorda oblysynda jergilikti turǵynnan altyn alqasyn aldap alǵan balger ustaldy, dep habarlaıdy QazAqparat tilshisi.

Qyzylorda qalalyq polıtsııa basqarmasyna 49 jastaǵy qala turǵyny aryzdandy.

Onda qyzynyń jolyn ashyp beremin dep altyn alqasyn aldap alǵan balger jaıynda aıtylǵan. Kelgen shyǵyn - 150 myń teńge.

Tártip saqshylary kúdiktini ustaý maqsatynda jedel-izdestirý sharalaryn júrgizdi.

Nátıjesinde oblys ortalyǵynyń 53 jastaǵy turǵyny qolǵa tústi.

Tergeý barysynda kúdikti alaıaqtyqpen alǵan altyn buıymdy lombardqa ótkizip jibergeni anyqtaldy. Onyń aqshasyn óz qajetine jaratqan.

Atalǵan derek boıynsha QR Qylmystyq Kodeksiniń 190-babynyń 1-bóligi boıynsha tańda sotqa deıingi tergep-tekserý amaldary júrgizilýde. Onda alaıaqtyq, ıaǵnı bótenniń múlkin jymqyrý nemese aldaý nemese senimdi teris paıdalaný jolymen bóten múlikke quqyqty ıemdený jaǵdaıy kórsetilgen», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordada esirtki egýmen aınalysqan qylmystyq top basshylary qolǵa túsken bolatyn.



Joǵary qaraı