Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jolaýshynyń smartfonyn urlaǵan jolserik ustaldy

2021 jyldyń 15 qazan 2021 13:26

NUR-SULTAN. QazAqparat – Qostanaı oblysynda jolaýshynyń smartfonyn urlaǵan jolserik ustaldy. Bul týraly QazAqparat oblystyq polıtsııa departamentiniń baspasóz qyzmetine silteme jasap habarlaıdy.

«Tobyl stantsııasyndaǵy polıtsııa bólimshesine Aqmola oblysynyń 45 jastaǵy turǵyny júgindi. Er adam «Nur-Sultan – Oral» jolaýshylar poıyzynda telefonyn urlatyp alǵanyn habarlady. Ol uıyqtap jatqanda gadjetti jastyqtyń astynan sýyryp áketken.

Jedel-izdestirý is-sharalary kezinde kólik polıtsııasy qyzmetkerleri atalǵan poıyz vagondarynyń biriniń jolserigin ustady. 26 jastaǵy jolserik jolaýshynyń mas jatqanyn paıdalanyp, qymbat markaly uıaly telefondy urlap ketkeni belgili boldy. Shyǵyn shamamen 100 myń teńgeni qurady», - dep jazady departamenttiń baspasóz qyzmeti.

Saqshylardyń aıtýyna qaraǵanda, kúdikti jolserik alǵashynda izdestirý sharalaryna «belsendi kómek» kórsetken.

«Sotqa deıingi tergeý barysynda jábirlenýshi jolserikpen mámilege kelip, urlanǵan telefonyn qaıtaryp aldy. Osylaısha qylmystyq is toqtatyldy. Al jolseriktiń jumys berýshisine ony tártiptik jaýapkershilikke tartý jáne poıyz brıgadalarynyń bastyqtarymen túsindirý jumystaryn júrgizý týraly usynys jiberildi», - delingen departamenttiń dereginde.


Avtor Esimjan Naqtybaı
Basty sózder: Qostanaı oblysy, Oqıǵa,
Joǵary qaraı