Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jol sapasy boıynsha ákimderdiń reıtıngisi jasalady

2022 jyldyń 17 mamyr 2022 12:52

NUR-SULTAN. QazAqparat – Qazaqstanda jol sapasy boıynsha ákimderdiń reıtıngisin jasaý usynyldy, dep habarlaıdy QazAqparat tilshisi.

«Joldardyń sapasyn qamtamasyz etý úshin myńnan astam normatıvtik-quqyqtyq akti qaıta óńdelýde jáne joldardyń sapasy boıynsha ákimderdiń reıtıngisin anyqtaý jónindegi ádisteme ázirlenip, qazirgi tańda kelisý jáne bekitý rásimi júrgizilýde», - dedi QR Indýstrııa jáne ınfraqurylymdyq damý mınıstri Qaıyrbek Óskenbaev Úkimet otyrysynda.

Sonymen birge, «Kólik týraly» zań aıasynda oryndalatyn jumystardyń sapasyn baqylaýdy arttyrý úshin kelesideı túzetýler engiziledi:

- kepildik kezeńinde avtorlyq jáne tehnıkalyq qadaǵalaýdyń merdigerlik uıymdarmen teń dárejede ortaq jaýapkershiligi;

- sapa ortalyǵyna kóshe-jol jelisindegi jumystar men materıaldardyń sapasyna saraptama júrgizý boıynsha ókilettikter berý.

Buǵan deıin Indýstrııa mınıstri avtojol salasyndaǵy jobalardy iske asyrýǵa bıylǵy bıýdjetten 601 mıllıard teńge bólingenin aıtqan edi.

Al 2025 jylǵa deıin respýblıkalyq joldardyń normatıvtik jaǵdaıdaǵy úlesi 100 paıyzǵa jetedi.



Joǵary qaraı