Aýa raıy
Astana -10 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Jol boıynda emin-erkin jaıylatyn mal ıelerine jaýapkershilikti kúsheıtý qajet - sarapshy

2020 jyldyń 29 qazan 2020 21:10

NUR-SULTAN. QazAqparat - Sońǵy 5 jylda elimizde jol boıynda maldy basyp ketken 643 oqıǵa tirkeldi. Bul týraly QR Indýstrııa jáne ınfraqurylymdyq damý mınıstrliginiń Avtomobıl joldary komıtetine qarasty «Jol aktıvteri ulttyq sapa ortalyǵy» RMK bas dırektory Zamır Saǵynov aıtty, dep habarlaıdy QazAqparat tilshisi.

«Taǵy bir kókeıtesti máselege nazarlaryńyzdy aýdarǵym kelip otyr. Ol – maldy basyp ketý deregi boıynsha oryn alatyn jol-kólik oqıǵalary. Bundaı jaǵdaılar kóbine ıeleriniń qaraýsyz qaldyrylǵan úı janýarlarynyń qatysýymen oryn alady. Sońǵy 5 jylda maldy basyp ketken 643 oqıǵa tirkelgen. Mundaı jaǵdaılarda, júrgizýshiler materıaldyq shyǵyn shegip qana qoımaı, aýyr jaraqattanyp, tipti qaza bolyp jatady», - dedi ol Ortalyq kommýnıkatsııalar qyzmetinde baspasóz máslıhaty barysynda.

Ortalyq bas dırektorynyń málimetinshe, tek ótken jyldyń ózinde respýblıkalyq trassalarda osyndaı 104 jol-kólik oqıǵasy oryn alyp, 140 adam jaraqattansa, 36 adam qaıtys bolǵan.

«Úı janýarlaryn joldar boıynda erkin jaıýdy boldyrmaý úshin menińshe, mal ıeleriniń jaýapkershiligin qataıtý qajet. Sondaı-aq úı janýarlary ıelerin jaýapkershilikke tartý máselesin zańdyq negizde naqty tetiktermen bekitý kerek dep sanaımyn», - dedi Zamır Saǵynov.


Avtor Marlan Jıembaı
Basty sózder: Jol, Kólik, Oqıǵa, Qaýipsizdik,
Joǵary qaraı