Aýa raıy
Astana -18 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Jol apatynda qaza bolǵan aqmolalyq polıtseılerdiń otbasy baspanaly bolady

2020 jyldyń 25 qazan 2020 16:43

KÓKShETAÝ. QazAqparat – Aqmola oblystyq Polıtsııa departamentiniń bastyǵy Armanbek Baımurzın ýchede jol apatynan qaza bolǵan polıtsııa qyzmetkerleriniń otbasylarymen kezdesti, dep habarlaıdy QazAqparat tilshisi.

Kezdesýde departament basshysy qaza bolǵan áriptesteri - Qanat Otarbaev pen Qanat Hamıdýlınniń otbasylaryna memleketten bólinetin ótemaqyny alý merzimi men erejesin túsindirdi. Sondaı-aq, osy úshin qujattardy jınaý qajetigin aıtty. Qujat jınaýda Armanbek Baımurzın vedomstvo tarapynan kómek kórsetiletinin jetkizdi.

Sonymen birge ol jol apatynan qaza bolǵan Q. Otarbaevtyń otbasyna páter berý, al Q. Hamıdýlınniń januıasyna jaldamaly qordaǵy páterdi jekemenshigine berý máselesi qaralyp jatqandyǵyn atap ótti.

Budan bólek, kezdesýde eki polıtseıdiń ómirin jalmaǵan jol apatyna qatysty qozǵalǵan qylmystyq istiń tergelý barysynan málimet berildi.

Táýelsizdik alǵan jyldardan beri Aqmola oblysynda 25 polıtsııa qyzmetkeri qyzmettik mindetin atqarý kezinde opat boldy.

Eske salaıyq, bıylǵy 15 qazanda ýche qalasynda eki polıtseı jol apatynan qaza tapty. Qyzmet babynda júrgen ýchaskelik polıtseılerdiń Lada-21214 kóligin úlken jyldamdyqpen Lexus NX20 kóligi soqqandyǵy anyqtaldy. Keıin Aqmola oblystyq Polıtsııa departamentiniń baspasóz qyzmeti qyzmettik mindetin oryndaý barysynda qaza bolǵan polıtseılerdiń otbasyna 11 mıllıon teńge kóleminde materıaldyq kómek kórsetiletinin aıtqan edi.


Joǵary qaraı