Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Joǵary oqý oryndaryna qatysty jańa ádisteme jasalmaq

2020 jyldyń 2 jeltoqsan 2020 13:05

NUR-SULTAN. QazAqparat –Bilim jáne ǵylym mınıstrligine qarasty joǵary oqý oryndaryna stýdentterdi oqytatyn jańa ádisteme usynylady. Bul týraly Bilim jáne ǵylym mınıstri Ashat Aımaǵambetov Facebook paraqshasynda jazdy, dep habarlaıdy QazAqparat.

«Ókinishke qaraı, joǵary oqý oryndarynyń kóbiniń qoldanatyn ádistemeleri kúmán týǵyzady. Oqytýshynyń júktemesi 800 saǵatqa deıin jetse, sabaqtarǵa daıyndalýǵa nemese ǵylymı baǵyttaǵy jumystarmen aınalysýǵa onyń ýaqyt tabýy qıynǵa túsedi. Sondyqtan jaqyn arada mınıstrlikke qarasty joǵary oqý oryndaryna jańa ádisteme usynylady», - dep jazdy Bilim jáne ǵylym mınıstri.

Mınıstrdiń aıtýynsha quramynda sarapshylar, joǵary oqý oryndarynyń prorektorlary men oqytýshylar bar jumys toby bul máselege jumyldyrylǵan.

«Júktemeni birden avtomatty túrde tómendetý qalaǵan nátıjege jetkizbeıdi. Keıbir oqý oryndary oqytýshylardyń júktemesin birden 400-500 saǵatqa deıin tómendetken bolatyn. Bul rette JOO-daǵy jalpy saǵat kólemi azaımady, kerisinshe qosymsha oqytýshylardy jumysqa qabyldaý qajettigi paıda boldy. Sebebi, bir oqytýshyǵa beriletin stavka kólemi 1,5-ten aspaýy kerek. Nátıjesinde ýnıversıtet biliktiligi tómendeý oqytýshylardy jumysqa alýǵa májbúr boldy. Árıne, munyń oqý sapasyna keri áser etkenin aıtpasa da túsinikti. Degenmen, bul máseleni sheshýimiz qajet. Ony kezeń-kezeńmen jáne júıeli túrde sheshemiz», - dedi ol.


Joǵary qaraı