Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jınaqtaý júıesine qatysýshylardyń zeınetaqysy 30 myń teńgege joǵary bolady

2022 jyldyń 5 mamyr 2022 15:32

NUR-SULTAN. QazAqparat – QR Eńbek jáne halyqty áleýmettik qorǵaý vıtse-mınıstri Rýslan Sákeev sáýirden bastap bazalyq jáne yntymaqty zeınetaqy tólemderiniń kólemi qalaı ózgergenin túsindirdi, dep habarlaıdy QazAqparat tilshisi.

«Búginde elimizdiń 4 mln 200 myńǵa jýyq azamaty ár túrli áleýmettik tólemder alyp otyr. Olardyń 2 mln 300 myńy ǵana zeınetkerler. 1 mln 200 myńǵa jýyǵy kópbalaly otbasylar. Shamamen 700 myńǵa jýyǵy múgedektigi bar azamattar.

Bıyl zeınetaqylardy tóleýge 3 trln 64 mlrd teńge qarastyrylyp otyr. Onyń ishinde 2 trln 960 mlrd teńge respýblıkalyq bıýdjetten bólinedi. Bul Eńbek jáne halyqty áleýmettik qorǵaý mınıstrliginiń barlyq shyǵyndarynyń 67 paıyzyn quraıdy. Bul soma ortaq jáne bazalyq zeınetaqy tólemderine baǵyttalady», - dedi ol Ortalyq kommýnıkatsııalar qyzmetinde ótken brıfıngide.

Onyń sózine qaraǵanda, jınaqtaýshy zeınetaqy qorynan jasyna baılanysty jınaqtaýshy zeınetaqy tóleý úshin 104 mlrd teńge qarastyrylyp otyr.

«Jınaqtaýshy zeınetaqyny qospaǵanda yntymaqty jáne bazalyq zeınetaqynyń ortasha jıyntyq mólsheri 1 sáýirde 105 337 teńgeni qurasa, 1 sáýirden keıin 109 346 teńgeni quraıdy. Jınaqtaýshy zeınetaqyny qosyp eseptegende yntymaqty jáne bazalyq jınaqtaýshy zeınetaqynyń ortasha jıyntyq mólsheri 1 sáýirge deıin 133 337 teńge bolsa, 1 sáýirden keıin 138 616 teńge bolady.

Jınaqtaýshy zeınetaqy júıesine qatysýshylar zeınetaqysynyń ortasha mólsheri shamamen 30 myń teńgege joǵary bolady», - dedi Rýslan Sákeev.

Vıtse-mınıstrdiń málimeti boıynsha, Ekinshi dúnıejúzilik soǵys múgedekteri aı saıyn 201 myń teńgeden alyp otyr.


Joǵary qaraı