Aýa raıy
Astana -5 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Jezqazǵanda modýldik ınfektsııalyq aýrýhana paıdalanýǵa berildi

2020 jyldyń 31 qazan 2020 03:25

JEZQAZǴAN. QazAqparat – Jezqazǵanda eki aı ishinde 200 tósektik modýldi gospıtal salyndy. Aýrýhana ınfektsııalyq baqylaýdyń barlyq standarttaryna sáıkes keledi, dep habarlaıda QazAqparat tilshisi.

Mekeme dıagnostıka jáne emdeý úshin zamanaýı medıtsınalyq jabdyqtarmen: kompıýterlik tomografpen, sandyq rentgen apparatymen, medıtsınalyq gazdar júıesimen, ÝDZ, EKG, ókpeni jasandy jeldetý apparattary jáne basqalarmen qamtylǵan.

Medıtsınalyq mekemede qaýipsizdik deńgeıi joǵary aqyldy jeldetý júıesi ornatylǵan. Palatalarda ár tósekte medbıkeni shaqyrý túımesi bar. Oqshaýlanǵan bokstarǵa arnaıy chıpter arqyly ǵana kirýge bolady. Sondaı-aq, 20 reanımatsııalyq tósek qarastyrylǵan.

«Eń bastysy, mekeme óńirdegi medıtsınalyq kómektiń qoljetimdiligi men sapasyn arttyrýǵa múmkindik beredi», - dep atap ótti Jezqazǵan ákimi Qaırat Ábsattarov.

Gospıtalda Nur-Sultan, Qaraǵandy jáne Taraz qalalarynyń bilikti dárigerleri daıyndyq jumystaryn bastady.
























Joǵary qaraı