Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jetkiliktilik shegin aıqyndaý ádistemesine ózgeris engizilmeıdi - mınıstrlik

2021 jyldyń 8 jeltoqsan 2021 10:50

NUR-SULTAN. QazAqparat - QR Eńbek jáne halyqty áleýmettik qorǵaý mınıstrliginiń 7 jeltoqsanda taratylǵan baspasóz habarlamasynda zeınetaqy jınaqtarynyń eń tómengi jetkiliktilik shegin belgileý máselesinde vedomstvonyń quzyretine qatysty burys tujyrymǵa jol berilgen, dep habarlaıdy QazAqparat mınıstrliktiń baspasóz qyzmetine silteme jasap.

«Osy baspasóz relızin mınıstrliktiń resmı saıtynda, akkaýnttarynda jáne áleýmettik medıada ornalastyrǵan qyzmetkerge tıisti tártiptik jazalaý sharalary qoldanyldy», delingen habarlamada.

Vedomstvonyń málimdeýinshe, QR Eńbek jáne halyqty áleýmettik qorǵaý mınıstrliginiń resmı ustanymy ózgerissiz qalady. Aıta keterligi, mınıstrlik zeınetaqy jınaqtarynyń eń tómen jetkiliktilik shegin aıqyndaý ádistemesin ázirleýshi.

«8 jeltoqsandaǵy jaǵdaı boıynsha ádistemege ózgerister engizilgen joq jáne josparlanbaǵan, óıtkeni onyń aǵymdaǵy nusqasy qazaqstandyqtarǵa bolashaq zeınetaqy tólemderin qolaıly deńgeıde qamtamasyz etýdiń qajetti ólshemderine tolyq sáıkes keledi.

Ádistemege sáıkes jetkiliktilik shegin esepteýdiń negizgi parametrleriniń biri kúntizbelik jyldyń basyndaǵy eń tómengi jalaqy bolyp tabylady. 2022 jylǵy 1 qańtardan bastap onyń ózgerýi qoldanystaǵy zańnamaǵa sáıkes jetkiliktilik shegi avtomatty túrde qaıta esepteýge ákeldi», delingen habarlamada.

Zeınetaqy jınaqtarynyń eń tómen jetkiliktilik shegin aıqyndaý ádistemesin mınıstrlik 2020 jyly ázirlep, QR Úkimetiniń 2021 jylǵy 6 qańtardaǵy №1 qaýlysymen bekitken.

Vedomstvonyń málimdeýinshe, ádistemeni bekitý týraly QR Úkimeti qaýlysynyń jobasy normatıvtik quqyqtyq aktilerdi qabyldaý kezinde kózdelgen barlyq qajetti rásimderden ótti:

- ádistemege engizilgen parametrlerdi ázirleý kezinde táýelsiz sarapshylardy tarta otyryp, jumys toptarynyń birneshe otyrysy ótkizildi;

- 2020 jylǵy 29 qarashada Ashyq NQA portalynda jarııa talqylaý ótti;

- 2020 jylǵy 4 jeltoqsanda ol Eńbekmıniniń ınternet-resýrsynda ornalastyryldy, onda 10 kún ishinde oǵan pikirler men usynystar jınaldy;

- barlyq múddeli memlekettik organdarmen kelisýden ótkizildi.

Ádisteme kelesi kórsetkishterdi qamtıdy:

- BJZQ tabystylyǵynyń jyldyq paıyzdyq mólsherlemesi;

- BJZQ-jan tólenetin zeınetaqy tólemderin ındeksteý mólsherlemesi;

- eń tómengi zeınetaqy mólsherin ındeksteý mólsherlemesi;

- jyl saıynǵy ındeksteýmen jalaqynyń eń tómengi mólsheri;

- eń tómengi mólsherdegi bazalyq zeınetaqyny esepteý úshin ındeksteýdi eskere otyryp, eń tómengi kúnkóris deńgeıiniń mólsheri;

- mindetti zeınetaqy jarnalarynyń boljamdy jıiligi;

- zeınetaqy tólemderin júzege asyrýdyń bastapqy jáne shekti jasy.


Joǵary qaraı