Aýa raıy
Astana 14 °S
Almaty 20 °S
valıýta baǵamy
USD 412.55
EUR 468.66
RUB 5.79
CNY 58.80

Jetisý jastarynyń jetekshisi áıelin pyshaqtady degen aqparat jalǵan - ákimdik

2020 jyldyń 2 shilde 2020 08:44

TALDYQORǴAN. QazAqparat - Telegram jelisinde Almaty oblystyq jastar saıasaty máseleleri basqarmasynyń basshysy Jomart Qaratas áıelin pyshaqtap tastady degen aqparat shyqty. Biraq bul qańqý sózdi óńir basshysynyń baspasóz hatshysy Ǵalymurat Júkel joqqa shyǵardy, dep habarlaıdy QazAqparat tilshisi.

Búgin Telegramdaǵy «Edilov onlaın» kanalynda Almaty oblystyq jastar saıasaty máseleleri basqarmasynyń basshysy Jomart Qaratas óz áıelin pyshaqpen jaraqattaǵany jóninde jaısyz habar tarady.




Keshe keshke 23:45 kezinde taraǵan aqparatty Almaty oblysy ákiminiń baspasóz hatshysy Ǵalymurat Júkel Facebook paraqshasy arqyly tikeleı efırge shyǵyp, teriske shyǵardy.

Ol «Erbol Edilov, dosym, haıp qýmaıyq» dep eskertý jasap, adamnyń otbasylyq ómirine aralaspaý kerektigin eskertti.

Sondaı-aq Ǵalymurat Júkel «pyshaqtaldy» delingen Jomart Qaratastyń áıeliniń din-aman ekenin kórsetti. Al jelide taraǵan aqparatta pyshaq jaraqatyn alǵan áıel ólim aýzynan qalǵany jazylǵan edi.

Degenmen jeli qoldanýshylardyń biri «sonda da sál-pál birdeńe búldirgen sııaqty» degen pikir qaldyrǵan.




Osydan keıin Telegramdaǵy habarlama alynyp tastaldy.

Eske sala keteıik, Jomart Qaratas jaqynda ǵana «Halyq alǵysy» medalimen marapattalǵan bolatyn.





Avtor Samal Qabysheva
Basty sózder: Almaty oblysy, Jastar, Oqıǵa,
Joǵary qaraı