Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Jetisý» fýtbol klýbynyń bıýdjeti 2,3 mlrd teńgege azaıdy

2021 jyldyń 18 qarasha 2021 09:25

TALDYQORǴAN.QazAqparat - «Jetisý» fýtbol klýbynyń bıýdjeti 2,3 mlrd teńgege qysqardy, dep habarlaıdy QazAqparat tilshisi.

«2020 jyly «Jetisý» fýtbol klýbynyń bıýdjeti - 3,4 mlrd teńge, al voleıbol klýbynyń byltyrǵy bıýdjeti - 800 mln teńge bolǵan. 2021 jyly «Jetisý» fýtbol jáne voleıbol klýbtaryn ustaýǵa jumsalatyn shyǵyndy qysqartýǵa qatysty 2,9 mlrd teńge únemdelip, ol qarajat qaıta baǵyttaldy»,- dedi Almaty oblysynyń dene shynyqtyrý jáne sport basqarmasynyń basshysy Nurbaqyt Teńizbaev oblys máslıhatynyń birlesken otyrysyndaǵy baıandamasynda.

Basqarma basshysynyń sózinshe, únemdelgen qarjy esebinen 127 Street workoaut sport alańy ornatylady.

«Máselen, buqaralyq sportty damytý maqsatynda oblysta 127 street workout alańyn ornatýǵa 361 mln 500 000 teńge, shaǵyn fýtbol alańdaryn jáne 35 sport alańyn ashýǵa 374,9 mln teńge, Alakól aýdanynyń Lepsi aýylynda dene shynyqtyrý-saýyqtyrý kesheniniń qurylysyn bastaýǵa 388,2 mln teńge bólindi»,- dedi Nurbaqyt Teńizbaev.

Basqarmanyń aqpatyna sáıkes, jalpy oblystyń aýdandary men qalalarynyń 45 sport mektebinde 74 sport túrimen 44 038 sportshy shuǵyldanady.

«Barlyq qoldanystaǵy sporttyq nysandar dene shynyqtyrý jáne sportpen shuǵyldaný úshin qol jetimdi jáne tegin túrde qyzmet jasaıdy. Oblysta dene shynyqtyrýmen jáne sportpen júıeli túrde aınalysatyndardyń sany - 667 428 adam. Bul - oblys halqynyń 32%»,- dep tolyqtyrdy basqrama basshysy N. Teńizbaev.

Aıta keteıik, búgin Almaty oblystyq máslıhatynyń eki komıssııasynyń birlesken otyrysy ótti.

Basqosýda basqarma basshylary 10 aıda atqarylǵan jumysty baıandap, aldaǵy josparyn bólisti.


Avtor Samal Qabysheva
Basty sózder: Bıýdjet, Qarjy, Almaty oblysy, Sport,
Joǵary qaraı