Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jetisaılyqtar aýdandaǵy qorym men egis alqaptaryn sý shaıýy múmkin dep qaýiptenip otyr

2022 jyldyń 18 mamyr 2022 11:07

TÚRKІSTAN. QazAqparat - Jetisaı aýdanynda ornalasqan qorym men birneshe egistikti sý shaıyp ketý qaýipi týyndap otyr. Sondaı-aq, «mashınnyı kanaldan» aqqan sý oblystyq mańyzy bar jolǵa da qaýip tóndirýde, dep habarlaıdy QazAqparat tilshisi.

Áleýmettik jelide Jetisaı aýdany aýmaǵyndaǵy ornalasqan «mashınnyı kanal» sýy arna boıyndaǵy topyraqty qulatyp, jan jaǵyndaǵy nysandarǵa qaýip tóndirip jatqandyǵy týraly vıdeo tarady. Aýyl aýmaǵyndaǵy qorymdy sý shaıyp ketýi múmkin ekendigin aıtqan turǵyndar, sý arnasynyń mazar mańyna jaqyndap qalǵandyǵyn beınekadr arqyly kórsetedi. Sondaı-aq, turǵyndar qorymda covid-19 vırýsynan qaıtys bolǵan jandardyń jerlengendigin aıtýda. «Egerde qorymdy sý alsa, vırýs aýaǵa qaıta taralyp ketýi múmkin» dep qaýiptenedi.

Al, Jetisaı aýdanynyń ákimi Murat Qadyrbek «mashınnyı kanaldyń» máselesimen «Qazsýshar» mekemesi aınalysatyndyǵyn jetkizdi. Kanal respýblıkalyq mekemege qaraıtyn bolǵandyqtan, ony jóndeýge jergilikti bıýdjetten qarjy bóle almaıtyndyǵyn aıtyp otyr.

«Qorymnyń sýǵa ketip qalmaýy úshin jergilikti atqarýshy organnyń basshysy retinde tıisti jumystar júrgizip jatyrmyz. Bul másele jyl saıyn týyndaıdy. Bıyl kúrdelene tústi. Negizinen kanal «Qazsýshar» mekemesiniń balansynda bolǵandyqtan, solar jóndeý jumystaryn júrgizýi kerek. Al, biz oblystyq tótenshe jaǵdaılar komıssııasynyń qaraýyna usynyp jatyrmyz. Tıisti mınıstrlikter men komıtet tóraǵasyna hat jazyp, habarlamalar berip jatyrmyz. Kanal eki jyl aldynda betondalǵan bolatyn. Bizde topyraq tósep kórdik. Biraq nátıjesin bermedi»-deıdi Jetisaı aýdanynyń ákimi Murat Qadyrbek.








Joǵary qaraı