Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jetisaıda joǵalyp ketken 23 jastaǵy boıjetken tabyldy

2021 jyldyń 25 qyrkúıek 2021 05:16

JETІSAI. QazAqparat - Túrkistandyq polıtseıler adasyp júrgen 23 jastaǵy boıjetkendi úıine jetkizdi, dep habarlaıdy QazAqparat.

Jetisaı aýdany turǵyny saǵat 13:30 shamasynda 102 nómirine habarlasyp, dúkenniń janynda aty-jóni belgisiz bir jasóspirimniń adasyp júrgenin habarlaǵan.

Osy oraıda Jetisaı ýchaskelik polıtsııa ınspektorlary men patrýldik qyzmetkerlerine nusqaý berildi.

Atalǵan dúkenge polıtseıler tez arada jetip, adasyp júrgen qyz baladan mán-jaıdy surastyrdy.

Alaıda belgisiz sebeptermen eshqandaı aqparat bile almaǵan soń, bul iske ıývenaldy polıtsııa toby jumyldyryldy.

Olar qyz balanyń mekenjaıy, aty-jóni týraly málimetter izdestirip, bilim mekemelerimen, medıtsına ortalyqtarymen jáne basqa da tıisti oryndarmen baılanysqa shyqty .

Dál osy izdestirý jumystary júrgizilip jatqan tusta 102 nómirine taǵy bir habar kelip tústi.

Onda kórshiles aýyl turǵyny sińlisin izdep taba almaı jatqanyn aıtyp, polıtseılerden kómek suraǵan.

Polıtsııa qyzmetkerleri atalǵan azamatshadan anyq-qanyǵyn surastyrǵan.

Nátıjesinde dúken mańynan tabylǵan boıjetken aryzdanǵan áıeldiń sińlisi bolyp shyqty.

Joǵalǵan qyz otbasymen qaýyshty.

Sińlisiniń aman tabylǵanyna qýanǵan ápkesiniń kóńili ornyna túsip, tabystaǵan patrýldik polıtsııa qyzmetkerlerine alǵysyn aıtty.


Avtor Janat Qapalbaeva
Basty sózder: Oqıǵa, Túrkistan oblysy,
Joǵary qaraı