Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jetisaıda malshy ózine senip tapsyrylǵan 155 qoıdy satyp, aqshasyn jaratyp jibergen

2021 jyldyń 13 mamyr 2021 10:21

JETІSAI. QazAqparat - Túrkistan oblysynda qoıshy bótenniń 6 mıllıon turatyn malyn ysyrap etip, joq qylǵan, dep habarlaıdy QazAqparat.

Keles polıtsııasyna Jetisaı aýdany turǵyndarynyń biri aryzdanyp keldi. Ol óz aryzynda 2018 jyldan beri Keles aýdany Birlik aýyldyq okrýgine qarasty qyrly jaıylym jerde ornalasqan mal qorasyndaǵy qoılaryn Jetisaı aýdanynyń turǵynyna senip tapsyrǵanyn aıtady.

2020 jyldyń qarasha aıy men 2021 jyldyń qańtar aıy aralyǵynda mal basyn túgendep, arnaıy ekpesin saldyrýǵa kelgende qoıshynyń árqaısysy 40 000 teńge bolatyn 155 bas saýlyq qoıyn jasyryn jymqyryp, ysyrap etip jibergenin kóredi.

Jábirlenýshige kelgen materıaldyq shyǵyn kólemi 6 mıllıon teńgeden asady.

Sondyqtan, aryzdanýshy aýdandyq tártip saqshylarynan zańdy shara qoldanyp, keltirilgen shyǵyndy óndirýge yqpal jasaýdy suraǵan.

Atalǵan jaıt QR QK-niń 189-baby «Senip tapsyrylǵan bóten múlikti ıemdený nemese ysyrap etý» boıynsha tirkeldi.

Polıtsııa qyzmetkerleri jedel is-sharalar júrgizý barysynda, qoıshy bolyp jumys istegen kúdiktini ustady.

Polıtsııa qyzmetkerleriniń anyqtaýynsha, kúdikti qoıshy mal baǵyp júrgen jyldardyń sońǵy 3 aı ishinde oǵan senip tapsyrylǵan qoılardyń bir bóligin zańsyz ysyrap etip, kúnine 3-4 bas qoıdan satyp otyrǵan.

Aqshasyn óz qajetine jumsaǵan. Qazirgi ýaqytta kúdikti óz kinásin tolyǵymen moıyndap otyr.

Búginde bóten múlikti ıemdený jáne ysyrap etý deregi boıynsha sotqa deıingi tergeý amaldary júrgizilýde. Kúdikti eshqaıda ketpeý boıynsha mindettemede.

Óz kezeginde Túrkistan oblysynyń polıtseıleri mal ıelerine qyraǵy bolý jáne óz múlkiniń saqtalýyn qadaǵalaý qajettigin eskertedi.

Úı malyn jaıylymdarda qaraýsyz qaldyrýǵa bolmaıdy, sondaı-aq ony tanymaıtyn adamdarǵa baǵýǵa senim bildirmeńiz.

Mal ustaıtyn qora-jaıdy myqty qulyptarmen nyǵaıtý qajet, sondaı-aq maldy syrǵalap, en-tańbalaryn ornatý kerek.

Eger siz mal urlyǵynyń kýágeri nemese mal urlaýdyń qurbany bolsańyz, tez arada «102» telefonyna habarlasyńyz.


Joǵary qaraı