Aýa raıy
Astana 11 °S
Almaty 16 °S
valıýta baǵamy
USD 421.58
EUR 496.83
RUB 5.53
CNY 62.20

Jetisaıda koronavırýs juqtyrǵan áıel aman-esen bosandy

2020 jyldyń 14 tamyz 2020 22:48

JETІSAI. QazAqparat - Túrkistan oblysy, Jetisaı aýdanynda koronavırýs juqtyrǵan júkti kelinshek perzentin aman-esen dúnıege ákeldi, dep habarlaıdy QazAqparat tilshisi.

21 jastaǵy Maqtaaral aýdanynyń turǵyny keshe júktilik kezeńiniń 39 aptalyǵynda «Jetisaı» aýdandyq ortalyq aýrýhanasyna tústi.

Áıel deni saý ul balany ómirge alyp keldi. Sábıdiń salmaǵy 3,2 keli.

«Kelinshektiń bul tuńǵysh sábıi. Esepke alynyp, úı jaǵdaıynda baqylaýda turatyn kelinshektiń jaǵdaıyna qaraı áreket jasap, aman-esen bosandyryp aldyq. Anasy men sábıdiń jaǵdaıy qanaǵattanarlyq»,- deıdi «Jetisaı» aýdandyq aýrýhanasynyń perzenthana bólimi meńgerýshisi Aınagúl Ámireeva.




Eldegi tótenshe jaǵdaı men karantındik rejımge qaramastan aýdandaǵy dárigerlerdiń kásibıliginiń nátıjesinde jyl basynan beri Jetisaı aýdandyq perzenthanasynda 2800 sábı dúnıege kelgen. Olardyń 50-i egiz bolsa, 400-ge jýyǵy ota arqyly dúnıege kelgen.

Aıta keteıik, oblystyq densaýlyq saqtaý basqarmasy basshysynyń buıryǵymen naýryz aıynda «Jetisaı» aýdandyq ortalyq aýrýhanasynda Saryaǵash, Keles, Maqtaaral, Shardara jáne Jetisaı aýdandaryna arnalǵan 100 oryndyq ınfektsııalyq gospıtal qurylǵan bolatyn. Búginde covid19 pandemııasyna shaldyǵýshylar sanynyń tómendeýine baılanysty munda nebári 20 tósek-oryn qaldyrylǵan.








Joǵary qaraı