Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jer komıssııasy aýyl sharýashylyǵy jerlerin muraǵa qaldyrý jáne ony 49 jylǵa jalǵa berý máselesin talqylap jatyr

2021 jyldyń 17 sáýir 2021 11:18

NUR-SULTAN. QazAqparat – Jer reformasy jónindegi komıssııa otyrysynda aýyl sharýashylyǵy jerlerin muraǵa berý men 49 jylǵa deıin jaldaý merizmin saqtaý talqylanyp jatyr, dep habarlaıdy QazAqparat.

«Ekonomıkalyq jumys tobynyń úshinshi otyrysyna 33 adamnyń 26-sy qatysty. Kún tártibinde 5 másele qaraldy. Birinshi másele – aýyl sharýashylyǵy jerlerin muraǵa berý múmkindigin qamtamasyz ete otyryp, olardy 49 jylǵa deıin jaldaý merizmin saqtaý. Talqylaýdyń qorytyndysy – aýyl sharýashylyǵy jerlerin 49 jylǵa deıin jalǵa berýdi qaldyrýdy jumys toby músheleriniń kópshiligi qoldady. Sebebi, jerdi 49 jylǵa deıin jalǵa berý merzimi Qazaqstanda alǵash ret 1995 jyly Jer týraly zańǵa sáıkes qabyldanǵan. Sodan beri 26 jyl ótti. Bul shart aýyl sharýashylyǵy jerlerin paıdalanýdyń júıesin qalyptastyrdy», - dedi Ekonomıkalyq jumys tobynyń basshysy A. Kúrishbaev Aýyl sharýashylyǵy mınıstrliginde ótken Jer reformasy jónindegi komıssııa otyrysynda.

Jumys tobyna qatysqan beligil aýyl sharýashylyǵy mamandary, iri aýyl sharýashylyǵy kásiporyndarynyń basshylary osy merzimdi aýyl sharýashylyǵynyń tıimdi jumys isteýdiń negizi dep qoldap otyr.

«Halyqaralyq tájirıbege kelsek, álemniń kóptegen elderinde, onyń ishinde kórshilerimizde – Reseı, Ózbekstan, Ýkraına jáne t.b. elderde aýyl sharýashylyǵy jerlerin jalǵa 49-50 jylǵa beriledi. Osy suraqtyń kelesi bóligi – jalǵa alý quqyǵyn muraǵa qaldyrý týraly usynys. Bul másele qoldanystaǵy Jer kodeksiniń 40-babymen retteledi. QR Konstıtýtsııasyna sáıkes, muragerlik quqyǵyna zańmen kepildik beriledi jáne ol shektelmeýi tıis. Naqtylap aıtsaq, muragerlik múmkindigi jerdi jalǵa bergen merzimi sheginde ǵana iske asady. Bul usynysty qoldaǵandar – 25 adam, qarsy bolǵan – 1 adam», - dedi Aqylbek Kúrishbaev.


Avtor Aıjan Serikjanqyzy
Basty sózder: Jer máselesi, Qoǵam,
Joǵary qaraı