Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jer kadastryna qatysty memlekettik qyzmetterdi HQO arqyly alýǵa bolady

2021 jyldyń 5 mamyr 2021 17:30

NUR-SULTAN. QazAqparat - Budan bylaı jer kadastry boıynsha qyzmetter HQO arqyly qoljetimdi, dep habarlaıdy QazAqparat.

30 naýryzda QR Aýyl sharýashylyǵy mınıstrliginiń memlekettik jer kadastrynyń avtomattandyrylǵan aqparattyq júıesinde tehnıkalyq aqaý boldy.

Sonyń saldarynan birneshe memlekettik qyzmetti elektrondy túrde kórsetý múmkin bolmady.

Qazirgi tańda eGov.kz portalynda «Jer ýchaskelerine aktiler daıyndaý jáne berý», «Jer ýchaskesiniń kadastrlyq (baǵalaý) qunyn aıqyndaý», «Jobalanatyn jer ýchaskesin MJK AAJ grafıkalyq derekterimen kelisý», «Jer ýchaskesiniń sapalyq jaı-kúıi týraly málimetter berý», «Memlekettik jer kadastrynan málimetter berý» qyzmetteri qoljetimsiz.

Qalyptasqan jaǵdaıdy retteý úshin MJK AAJ servısteri ózgertiledi.

Oǵan deıin jer kadastry boıynsha barlyq memlekettik qyzmet Halyqqa qyzmet kórsetý ortalyqtary arqyly usynylady.

«Biz klıentterdi óz bólimshelerimizde qabyldaýdy sheshtik, óıtkeni alǵan jaýapkershiligimizdi jáne osyndaı qyzmet túrlerin usyný boıynsha múmkindikterimizdi túsinemiz. Biz operatorlardyń keńes berý jumysyn qaıta jedel baǵdarlap, olarǵa arnaıy oqytý ótkizdik, bul jaǵdaıdy tez sheshýge múmkindik beredi. Servısti túrlendirý protsesi aıaqtalǵannan keıin jer kadastry boıynsha qyzmetter eGov.kz arqyly qaıtadan qoljetimdi bolady. Búginde klıentterge qyzmet alý úshin jer telimi ornalasqan aýdanǵa qarasty HQO-ǵa júginý qajet»,– dep túsindirdi «Azamattarǵa arnalǵan úkimet» memlekettik korporatsııasynyń basqarma tóraǵasy Ádil Qojyqov.


Joǵary qaraı