Aýa raıy
Astana -15 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Jer berý tártibin ózgertýdi kózdeıtin zań jobasy ázirlendi - AShM

2020 jyldyń 2 jeltoqsan 2020 10:00

NUR-SULTAN. QazAqparat - Jer berý tártibin ózgertýdi kózdeıtin zań jobasy ázirlendi. Bul týraly Úkimet otyrysynda QR Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.

«Memleket basshysynyń tapsyrmasyna sáıkes mınıstrlik jer qatynastary salasyn tsıfrlandyrý jáne damytý máseleleri boıynsha zań jobalaý jumystaryn júrgizýde. Olar jer berýdiń qazirgi tártibin tsıfrlyq tehnologııalardy engizý jolymen tujyrymdamalyq túrde ózgergýdi kózdeıdi jáne tikeleı berý jolymen ári saýda-sattyq júrgizý arqyly jer ýchaskelerin berýdiń elektrondyq tártibin aıqyndaıdy», - dedi mınıstr.

Bul rette ol qaǵazsyz qyzmet kórsetý, kommýnaldyq qyzmettermen jer ýchaskelerin berýdi kelisý rásimin avtomattandyrý engiziletinin aıtty.

«Zań jobasy múddeli ortalyq memlekettik jáne jergilikti atqarýshy organdarmen kelisildi. Sondaı-aq ol boıynsha ǵylymı saraptamalar alyndy. Zań jobasyn Qazaqstan Respýblıkasynyń Premer-Mınıstri Keńsesi odan ári qaraý úshin Parlamentke joldady»,- dedi Saparhan Omarov.


Joǵary qaraı