Aýa raıy
Astana -2 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Jeńis Qasymbek Qaraǵandydaǵy birqatar qurylys nysandaryn aralady

2020 jyldyń 17 qyrkúıek 2020 14:55

QARAǴANDY. QazAqparat - «Shahter» jáne «Lıteıık» stadıondaryn jóndeý aıaqtalýǵa jaqyn. Maıqudyqtaǵy sport nysanynda júrgizilip jatqan jumysty qyrkúıektiń aıaǵynda aıaqtaý josparlanýda, dep habarlaıdy QazAqparat Qaraǵandy ákimdiginiń resmı saıtyna silteme jasap.

Al jańa fýtbol alańy qazan aıynda daıyn bolýy kerek. Qaraǵandy oblysynyń ákimi Jeńis Qasymbek jumys sapary barysynda salynyp jatqan nysandardy baqylap qaıtty, sondaı-aq Maıqudyq, Prıshahtınsk, qala aýlalarynda abattandyrý jumystary qalaı júrgizilip jatqanyn jáne Magnıtogorskaıa kóshesine jóndeý jumystarynyń barysyn tekserdi.

Aımaq basshysy Maıqudyqtaǵy 15-shi shaǵyn aýdannyń, sonymen qatar Gogol kóshesi 48-shi úıdiń aýlalarynda jóndeý jumystaryn júrgizip jatqan merdigerlerdiń birin synǵa aldy. Qurylysshylar kesteden artta qalyp keledi.





«Bul ne?! Turǵyndar shaǵymdanýda: jaz boıy jumys istemedi, qazir jańbyr jaýyp, qaıtadan jumysqa kiriser túrleri joq deıdi. Balalardyń oınaıtyn jerleri joq, olar sizdiń qurylys materıaldaryńyzǵa qaraıdy. Aıyppul retinde qosymsha balalar jabdyqtaryn ornatyńyzdar! – dep oblys ákimi Maıqudyqtaǵy aýlalardyń birin aralaý barysynda narazylyǵyn bildirdi.





Akademııalyq kóshesi, 9/2 turǵyndary da aýladaǵy jumystardyń aıaqtalýyn asyǵa kútýde. Abattandyrý bes jyl buryn ýáde etilgen deıdi. Turǵyndar óz esebinen úıdi jańǵyrtyp, aýlany qalpyna keltirýge májbúr boldy.

«Munda biz asfalt tóseımiz, jaryqtandyrý, jańa jıekter salamyz, balalar alańyn, fýtbol alańyn ornatamyz. tapsyrý merzimi qazan aıynda», - dep baıandady Qazybek bı atyndaǵy aýdan ákimi Nurlan Rystın.





Aýdanda bıyl barlyǵy 57 aýla abattandyrylýda, búgingi kúni 12 aýla qaldy, onda tek asfalt tóseý kerek.

Oktıabr aýdanynda 69 aýla aýmaǵy retke keltirilýde, onyń 59-y daıyn. Merdigerler jumys kestesinen artta qalýyn kóptegen qurylysshylardyń pandemııa kezinde aýrýhanaǵa túsýimen baılanystyrady. Jeńis Qasymbek, jumysty merziminde bitiremiz dep jumystyń sapasyn tómendetip almaýdy tapsyrdy.





Oblys basshysy bıyl kópten kútken kúrdeli jóndeý jumystary bastalǵan Magnıtogorskidegi joldy da qarap shyqty. Jol jóndeýshiler kóshesiniń oń jaǵynda «19-shy shaǵyn aýdan» a/o-dan Santehnıkalyq (STO zaýyty) kóshesine deıin barlyǵy 3,8 shaqyrym asfalt tósedi. Sol jaǵy boıynsha búgingi tańda 1 shaqyrym jolǵa asfalt tóselip jatyr.

«Bul jerde isingen jer telimderi óte kóp bolǵandyqtan, jumystar kóp ýaqytty qajet etti, bıylǵy jyly asfaltty tek meshitke deıin salýdy josparlap otyrmyz», - dedi «Kvıntek» JShS dırektory Aıık Sogoıan.





«Lıteıık» stadıonynda jumystar qyzý júrip jatyr. Jumysshylar qorshaýlar, 300 oryndyq trıbýna, júgirý joldaryn ornatady, alańǵa jaýyn sýynyń kárizin jasaıdy. Merdiger qyrkúıek aıynyń sońyna deıin jóndeýdi tolyǵymen aıaqtaýǵa ýáde beredi. Bul jerde de keshigý bolǵandyqtan, Jeńis Qasymbek aıyppul retinde qosymsha sporttyq trenajerler ornatýdy tapsyrdy.





«Shahter» stadıonynda da jumys aıaqtalýǵa jaqyn. Munda stendter aýystyrylyp, ishki bólmeler jóndelýde. Endigi kezekte júgirý joldarymen aınalysý kerek. Bas fýtbol alańynda jumys jalǵasýda.

«Alańdy qazir tegistep jatyrmyz. Injenerlik jeliler, atap aıtqanda drenaj ben sýarý júıesi júrgizildi. Karantın shekteýlerine baılanysty jabdyqty jetkizýde qıyndyqtar boldy. Qurylys qazanǵa deıin sozyldy, - dep habarlady «LCW» JShS dırektory Stefano Volpı.





Mundaı jaýap aımaq basshysyna unamady.

«Tamyz aıynda aıaqtaýǵa ýáde berdińizder, drenaj júıesine erterek kirisý kerek edi», - dedi Jeńis Qasymbek.

Oblys ákimi №13 orta mektepte de boldy. Bul qaladaǵy eń eski oqý oryndarynyń biri (1934 jyly salynǵan) jáne uzaq ýaqyt kúrdeli jóndeýdi qajet etti. Oqý ordasyn qalypqa keltirý bıyl Jumyspen qamtýdyń jol kartasy aıasyda júzege asyryldy.





Jeńis Qasymbek qala boıynsha jumys sapary barysynda salynyp jatqan taǵy eki nysandy - oqýshylar saraıy men tennıs ortalyǵyn aralap kórdi. Saraıda ishki jumystar júrip jatyr, al irgeles aýmaq abattandyrylýda. Qurylys ústel tennısiniń ortalyǵynda da jalǵasýda. Olar ony kúzdiń sońyna deıin aıaqtaýǵa ýáde berdi.










Basty sózder: Qurylys, Ákim, Qaraǵandy oblysy,
Joǵary qaraı