Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jeńildetilgen baǵadaǵy avtokólikti saqtandyrý erikti júrgiziledi - agenttik

2022 jyldyń 25 mamyr 2022 22:40

NUR-SULTAN. QazAqparat – Jeńildikpen avtokredıt berý kezinde bank qaryz alýshyny saqtandyrý uıymyn tańdaýdy shekteýge quqyly emes. Bul týraly QazAqparat Qarjy naryǵyn retteý jáne damytý agenttigine silteme jasap habarlaıdy.

Jeńildikpen avtokredıt berý baǵdarlamasyna qatysý úshin bankti tańdaý – bul qaryz alýshynyń quqyǵy. Eger bank qaryz alýshynyń talaptaryn qanaǵattandyrmaıtyn talaptardy usynǵan jaǵdaıda, ol osy Baǵdarlamaǵa qatysatyn basqa bankke ótinish jasaı alady. Qaryz shartyn resimdeý kezinde ekinshi deńgeıdegi bankter, ádette jeńildikpen avtokredıt berý baǵdarlamasyna qatysý úshin talaptardyń biri retinde – saqtandyrý uıymymen avtomobıl kóligin erikti saqtandyrý shartyn jasasýdy kózdeıdi.

Avtomobıl kóligin saqtandyrý erikti túrde júrgiziledi.

«Bank zańnamasyna sáıkes, eger qaryz berý týraly talaptarda saqtandyrý shartyn jasasý týraly talaptar kózdelse, bank qaryz alýshyny saqtandyrý uıymyn tańdaýda shekteýge quqyly emes» - delingen Agenttik habarlamasynda.

Avtomobıl kóligin erikti saqtandyrý shartyn jasasý kezinde saqtandyrý uıymyn tańdaǵannan keıin qaryz alýshy saqtandyrý shartynyń mańyzdy talaptaryna ózgerister engizýge usynys jasaýǵa jáne olardy saqtandyrý uıymymen birlesip aıqyndaýǵa quqyly.

«Saqtandyrý qujaty – bul otbasylyq bıýdjetti kózdelmegen shyǵystardan únemdeý arqyly sizdi jáne sizdiń múlkińizdi túrli táýekelderden qorǵaýdyń tásili. Apat bolǵan jáne avtomobılge zaqym kelgen jaǵdaıda, saqtandyrý qujaty apatqa kimniń kináli ekenine qaramastan, zalaldy óteıdi. Saqtandyrý shartynda kepil nysanasy bolyp tabylatyn avtokólikti aýa raıy jaǵdaılary men basqa da qolaısyz oqıǵalar nátıjesinde bolatyn zaqymdanýdan qorǵaý da kózdelýi múmkin. Osylaısha, siz avtokólikti saqtandyra otyryp, siz ol úshin kredıt tólep otyrǵan ýaqytyńyzda kepilge salynǵan avtomobıl zaqymdalady nemese isten shyǵady dep alańdamasańyz bolady»,- dep tolyqtyrdy agenttik.

Eske salsaq, 16 mamyrda Qazaqstanda jeńildetilgen avtonesıe berý bastaldy.



Joǵary qaraı